Peqqissaanermi tunngaviusumik ilinniagaqarnikkut atorfinnut assigiinngitsunut arlalinnut atorfinissinnaanermut imminut periarfississaatit. Ilinniarnerpit nalaani peqqinnissaqarfimmi aamma pisortani isumaginninnermi tunngaviusumik suliassat ilinniassavatit.
Ilinniagaqarnersiutit pillugit aqqutissiorneqarnissat pisariaqartikkukku imaluunniit arlaannik allanik ilinniarnermut tunngatillugu allaffeqarfimmut saaffiginnissinnaavutit.
Ilinniakkap imarisai pillugit paasissutissinneqarnissaq ilitsersorneqarnissarlu kissaatigigukku Ilinniagaq pillugu aqqutissiuisumut saaffiginnissinnaavutit.
Inuttut ajornartorsiutit pillugit ikiorneqarnissaq pisariaqartikkukku ilinniartunut tarnip pissusaanik ilinniarsimasumik psykoterapeutimulluunniit oqaloqateqarnissannik periarfissaqarputit. Aqqut.gl-kkut immersugassamik immersuinikkut Ilinniartunik Siunnersuisarfimmut saaffiginninneq pissaaq.
