Peqqissaanermik Ilinniarfiup naleqartitatut toqqammavigisai.

Naleqartitat ataatsimoorluni toqqammavigisat matumani nassuiarneqartut sulisunit aqutsisunillu suliarineqarput. Naleqartitatut toqqammaviit suleqatigiinnermut ataatsimiititaliami oqallisigineqareerlutik akuersissutaapput.

Tamatuma saniatigut naleqartitatut toqqammaviit siulersuisunut saqqummiunneqarput akuersissutaallutillu.

Naleqartitanik toqqammaveqarnerup siunertaa tassaavoq ilinniartut, sulisut aqutsisullu akornanni toqqissisimanermik tatigeqatigiinnermillu pilersitsinissaq. Tamatuma saniatigut ilinniagaqassutsikkut piginnaasatigut upperinninnissaq taamaalillunilu nammineq suliassanut tunngatillugu nammineersinnaassutsimut akisussaassuseqarnermullu piumassuseqalersitsinissaq.

Ataqqinninneq akuersaarnerlu:

Immitsinnut- assigiinngissutsitinnillu pingaartitsisuuvugut

Oqaloqatigiinneq attaveqatigeeriaatsitut akuersaarnermik, ammasuunermik ilumoornermillu ilisarnaatilik pingaartitaraarput.

Piginnaasagut pingaartitaraagut ikorfartugaralugillu.

  

Pitsaassuseq ineriartornerlu:

Ilinniartuni, sulisuni aqutsisunilu ilinniagaqassutsikkut qaffasissunik piginnaasaqarneq pingaartipparput.

Ataasiakkaat inuttut ilinniagaqassutsikkullu ineriartornissaat pingaartipparput.

Ulluinnarni suliassagut taakkulu qaffasissumik pitsaassuseqarnissaat pingaartippagut.

  

Sunniuteqarneq akisussaassuseqarnerlu

Tamat oqartussaaqataanerat pingaartitaraarput.

Isummagut ataatsimoorlutalu aalajangersakkagut pingaartippagut

Ataatsimoorluta aalajangersakkatta akisussaaffiliinera pingaartipparput