Sundhedsassistenti
Anigugassaanngitsumik nappaateqartunik tunngaviusumik peqqissaanermik suliaqarnikkut sundhedsassistentitut atituunik assigiinngiiaanillu sulianik ingerlatsissaatit.
Sundhedsassistenti sulerisarpa?
Ilinniakkat tunngavigalugit peqqinnissakkut sullissinermi pisariaqartitanik nammineerlutit naliliisinnaassaatit, tungiuninermi suliassanik aaqqissuisinnaassaatit, aallartitsisinnaassaatit suliaqarsinnaasallutillu.
Ilinniartinneqarnikkut peqqissaanermi immikkut ittunik suliaqarsinnaassaatit. Ilinniagartuutut ilinniaqqinnissamut neqeroorutit uani takukkit: https://pi.gl/kl/Pikkorissaanerit
Ilinniarnerup aaqqissuussaanera
Sundhedsassistentitut ilinniarneq sivisussuseqarpoq ukiunik marlunnik qaammatinillu qulinik. Ilinniagaq sap.ak. arfineq pingasut atuagarsornermik aallarnerneqartarpoq. Tamatuma kingorna sap.ak qulit sulinermik misiliineq, sap.ak. 47-ut atuagarsorneq, sap.ak. 58-it sulinermik misiliineq inaarutaasumillu sap.ak. tallimat atuagarsorneq allattariarsorluni suliaqarnermik oqaluttariarsorlunilu misilitsinnermik naggaserneqartoq.
Atuagarsorneq Nuummi Peqqissaanermik Ilinniarfimmi ingerlanneqartarpoq.
Ilinnialersinnaanermut piumasaqaatit
Peqqissaanermik ikiortitut imal. assingusumik ilinniarsimaneq inaarutaasumik misilitsinnermi C-mik angusaqarfiusumik meeqqallu atuarfianni inaarutaasumik misilitsinnermi ima angusaqarsimanissaq: kalaallisut qallunaatut kisitsinermilu C.
imaluunniit: Ilinniarnertuunngorsimanissaq (GU) karakterit makku angusaralugit soraarummeersimalluni: qallunaatut qaffasissutsimi A-mi D-mik karakteereqarneq, matematikkimi pinngortitalerinermilu/science qaffasissutsimi C-mi D-mik karakteereqarneq.
Sooq ilinniagaq qinnuteqarfiginerlugu qallunaatut namminneq allagaqaateqarnissaq (motiveret ansøgning) qinnuteqaammut ilanngussassaq.
Sulinermik sungiusarfiit
Ilinniartussatut akuerisaaguit illoqarfigisanni sulinermik sungiusarsinnaanissat Peqqissaanermik Ilinniarfiup sapinngisamik qulakkeerniassavaa. Sulinermik sungiusarninni peqqinnissaqarfimmi kommunimilu angerlarsimaffinni peqqissaaneq ikiorteqartitsinerlu ilisimasaqarfigilissavatit. Sulinermik sungiusarnerpit nalaani sungiusaasoqartinneqassaatit Peqqissaanermillu Ilinniarfimmi attavigisartagaqartinneqassallutit.
Qinnuteqarneq, aningaasatigut ikiorserneqarneq inissaqarnerlu
Ilinniarnermut tunngatillugu allaffeqarfik qinnuteqarnissamut-, ilinniagaqarnersiuteqarsinnaanermut-, nalinginnaasunillu allanik apeqqutigisinnaasannut tunngatillugu paasissutissiissaaq.
Qinnuteqarneq
Nittartakkatigut qinnuteqartassaatit sullissivik.gl aqqutigalugu. Programmimut isernissamut qinnuteqarsinnaavutit nammineq piumassutsimik toortagaq sungaartoq "isertitsinissamut qinnuteqarneq" toorlugu.
Tamatumunnga Nem ID/Mit ID pisariaqartippatit. Qinnuteqaateqarnermi makku allagartalersorneqassapput: ilinniagaqarnermut allagartat ingerlaavartumik ilinniagaqarnermit aamma/imaluunniit siusinnerusukkut ilinniagaqarsimasumit.
Soraarninngornermut uppernarsaatit Folkeskolenimit qinnuteqaammut nassiunneqartariaqanngillat. Aamma programmimut qinnuteqaateqarnerit peqatigalugu kajumissutsimik qinnuteqaat nassiussinnaavat.
Uunga iserit: www.sullissivik.gl
Ilinniarnerup nalaani ilinniartuunersiuteqarneq kolligiamilu ineqarsinnaaneq.
Ilinniarnerit tamaat ilinniartuunersiuteqassaatit. Atuagarsornerup nalaani Nuummi ilinniartut ineqarfiisa allaffeqarfiannit inissannik tunineqassaatit.
Ilinniarnerpit nalaani ilaquttatit Nuummut ilagisinnaanngilatit.
Allagartaq uppernarsaat
Qinnuteqarnissamut piffissaliussat
Peqqinnissakkut sullisisoq, ilinnialerfissaq septemberip 25-iat
Peqqissaanermi ikiorti, ilinnialerfissap aallartiffia 23.september
Støtteperson, ilinniakkap aallartiffia 29. juli
Portøri annaassiniartartoq, ilinnialerfissaq 22. april
Peqqissaanermi assistenti, ilinnialerfissaq januaarip aallartisimalernerani januaarip 31-iat 2025.
Peqqissaanermi ikiorti, ilinnialerfissaq martsip 24-iat 2025.
