Tapersersuisutut ilinniarneq.
Innuttaasup inuunerata naleqassusaa pitsaanerpaaffissaminiissinnaaqqullugu, ulluinnarni imminut ikiorsinnaanerata attatiinnarnissaa ineriartortinnissaalu anguniarlugit, susassaqartillugulu tapersersussavat. Ulluinnarni innuttaasup saatassaanik ikiuisinnaanissannut ilinniartitaassaatit.
Tapersersorti sulerisuua?
Tapersersortitut, innuttaasup tarnimigut nappaatillip ulluinnarni sapinngisaq tamaat nalinginnaasumik inuusinnaanissaanut tungiuisuuvutit, suliassatigut ikiuisuullutit tapersersuisuullutillu.
Ilinniarnerup aaqqissuussaanera
Ilinniarneq ukiup aappa affaanik sivisussuseqartoq, sap. ak. 38-ini atuagarsornermik sap. akunnerinilu 35-ini sulinermik sungiusarnermik immikkoortortaqarpoq.
Atuagasornertaa Nuummi Peqqissaanermik Ilinniarfimmi ingerlanneqassaaq. Atuagarsornerit immikkoortut pingasuusut kingullersaat naggataarutasumik soraarummeerneruvoq.
Sulinermik sungiusarneq najukkanni tarnimikkut nappaatilinnik inuttut atukkatigut ikorfartuiffimmi ingerlanneqassaaq. Sulinermik sungiusarnerup nalaani sungiusaasoqartinneqassaatit Peqqissaanermillu Ilinniarfimmi attavigisartagaqassallutit.
Ilinnialersinnaanermut piumasaqaatit
- Meeqqat atuarfiannit minnerpaamik E (02 ) kisitsinermi/matematikkimi kiisalu minnerpaamik D (4 ) kalaallisut qallunaatullu oqaasilerinermi angusaralugit soraarummeersimaneq,
- Qassinik ukioqalereersimanissaq: 18
- Ukiut sulinermik misilittagaqarfiit: 2
- Ilinnialersinnaanissaq pillugu oqaloqatigiinneq
- Pinerluuteqarsimannginnermut uppernarsaat
Ilinniarnerup nalaani ilinniagaqarnersiutit pillugit paasissutissat
Ilinniarnerit tamaat ilinniagaqarnersiuteqassaatit. Ilinniarnivit nalaani ilaquttatit Nuummut ilagisinnaanngilatit.
Qinnuteqarneq
Nittartakkatigut qinnuteqartassaatit sullissivik.gl aqqutigalugu. Programmimut isernissamut qinnuteqarsinnaavutit nammineq piumassutsimik toortagaq sungaartoq "isertitsinissamut qinnuteqarneq" toorlugu.
Tamatumunnga Nem ID/Mit ID pisariaqartippatit. Qinnuteqaateqarnermi makku allagartalersorneqassapput: ilinniagaqarnermut allagartat ingerlaavartumik ilinniagaqarnermit aamma/imaluunniit siusinnerusukkut ilinniagaqarsimasumit.
Soraarninngornermut uppernarsaatit Folkeskolenimit qinnuteqaammut nassiunneqartariaqanngillat. Aamma programmimut qinnuteqaateqarnerit peqatigalugu kajumissutsimik qinnuteqaat nassiussinnaavat.
Uunga iserit: www.sullissivik.gl - Tapersersuisutut ilinniarneq
Qinnuteqarnissamut piffissaliussat
Peqqinnissakkut sullisisoq, ilinnialerfissaq septemberip 25-iat
Peqqissaanermi ikiorti, ilinnialerfissap aallartiffia 23.september
Støtteperson, ilinniakkap aallartiffia 29. juli
Portøri annaassiniartartoq, ilinnialerfissaq 22. april
Peqqissaanermi assistenti, ilinnialerfissaq januaarip aallartisimalernerani januaarip 31-iat 2025.
Peqqissaanermi ikiorti, ilinnialerfissaq martsip 24-iat 2025.
