Peqqissaanermi ikiorti

Peqqissaanermi ikiorti sulerisarpa?

Inuunerup naleqassusaa pitsaanerpaaffissaaniitinniarlugu innuttaasup imminut ikiorsinnaajuarsinnaanissaanut piginnaasaminillu inerisaasinnaanissaanut piginnaanngorsar-lugulu tapersersussavat.

Innuttaasup ulluinnarni suliarisartagaanik- soorlu imminut eqqiarnermut-, illumi suliassanut- ilaatigut eqqiaanermut-, errorsinermut-, niuerniarnermut kiisalu nerisat peqqinnerlu pillugit ilitsersuinermut nerisassiornermullu tunngasunut- ikiuinissamut ilinniassaatit. Taamaalillutit suliassatigut ikiorsiissaatit tunngaviusumillu peqqissaanermik suliaqassallutit.

Peqqissaanermi ikiortitut utoqqarnik, napparsimasunik imal. innarluutilinnik qanimut sullississaatit. Inuit aliasuutaat aammattaarli nuannaarutaat inuunissamullu piumassu-seqassusaat qanimut misigisaqarfigissavatit. Taamaammat inunnik oqaloqateqarsinnaallutillu tusarnaarsinnaassaatit.

Ilinnialersinnaanermut piumasaqaatit

Ilinniartunngorsinnaassaguit meeqqat atuarfianni kalaallisut D-mik qallunaatut D-mik matematikkimilu E-mik karakteereqarlutit angusisimassaatit.

Ilinniarnerup aaqqissuussaanera 

Peqqissaanermik ikiortitut ilinniarneq ukioq ataatsimik qaammatinillu pingasunik sivisussuseqarpoq. Ilinniarneq sap.ak. arfineq pingasuni atuagarsornermik aallarnerneqartarpoq. Tamatuma kingorna sap.ak. arfinillit sulinermik sungiusarneq, sap.ak. 20-ini atuagarsorneq, sap.ak.30-ini sulinermik sungiusarneq, sap. ak. sisamanilu atuagarsorneq allattariarsorluni suliaqarnermik oqaluttariarsorlunilu misilitsinnermik naggaserneqartoq. Atuagarsorneq Peqqissaanermik Ilinniarfimmi Nuummiittumi ingerlanneqassaaq.

Sulinermik sungiusarfiit

Ilinniartussatut akuerisaaguit illoqarfigisanni sulinermik sungiusarsinnaanissat Peqqissaanernik Ilinniarfiup sapinngisamik qulakkeerniassavaa. Sulinermik sungiusarninni peqqinnissaqarfimmi kommunimilu angerlarsimaffinni peqqissaaneq ikiorteqartitsinerlu ilisimasaqarfigilissavatit. Sulinermik sungiusarnerpit  nalaani sungiusaasoqartinneqassaatit peqqissaanermillu Ilinniarfimmi attavigisartagaqartinneqassallutit. 

Qinnuteqarneq, aningaasatigut ikiorserneqarneq inissaqarnerlu

Ilinniarnermut tunngatillugu allaffeqarfik qinnuteqarnissamut-, ilinniagaqarnersiuteqarsinnaanermut-, kollegiamiissinnaanermut-, nalinginnaasunillu allanik apeqqutigisinnaasannut tunngatillugu paasissutissiissaaq.

Qinnuteqarfissaq kingulleq 1. marts  

Qinnuteqarneq

Nammineerlutit qinnuteqarnissamut immersugassaq uani immersussavat: sullissivik.gl Maana qinnuteqarit sungaartumik nalunaaqutseqqasoq toorlugu immersugassaq immersussavat.

Immersuinissamut MIT ID atussavat. Qinnuteqaatinnut ilanngutissavatit uppernarsaatit ukua:  massakkut ilinniakkamik ingerlatsinermut uppernarsaat aamma/imaluunniit  ilinniagaq naammassereersimasannut uppernarsaat.

Meeqqat atuarfianni inaarutaasumik angusimasavit uppernarsaatai qinnuteqaammut ilanngutissagakkit eqqaamassavat. Sooq ilinniagaq qinnuteqarfiginerlugu nammineq allagaqaateqarnissaq qinnuteqaammik nassitsisinnaavutit.

Uunga iserit: www.sullissivik.gl - Peqqissaanermi ikiorti