Meeqqat, inuusuttut ilaqutariillu qitiutillugit ilaqutariinnut siunnersortitut ilinniartitaaneq ukiumik ataatsimik sivisussusilik

    Ilinniagaqassutsikkut meeqqanut ilaqutariinnullu sanngiiffeqartunut tunngasunik suliaqarpit?

    Ilinniagalittut meeqqani ilaqutariinnilu tungiuineq attaveqarnerlu suliaraagit? Inuttut ilinniagaqassutsikkullu piginnaasatit nukittorsarlugillu inerisarusuppigit? Taamaappat ilinniartitaanerup matuma tamatumunnga periarfississavaatit.

    SIF – Systemisk Institut for Familieterapi suleqatigalugu ilaqutariinnut siunnersortitut ilinniartitaaneq neqeroorutigeqqipparput. Ilinniartitaanermi suliat akunnattoorfiillu illit ilinniagalittut ulluinnarni pisartutut ilisarisinnaasatit aallaaviussapput. Tamatuma peqatigisaanik ilisimatuussutsikkut paasisanik ilisimasanillu nutaanerpaanik tamatumunnga tunngasunik pissarsitinneqassaatit.

    Ilinniartitaanermi saaffigisat tassaapput qinnuteqartut qaffasinnerusumik akunnatumik sivisussusilimmik ilinniagallit kiisalu isumaginninnermut, ilinniartitaanermut peqqinnissamullu tunngasumik atorfeqartut.

    Ilinniartitaanermi ukioq ataatsip ilinniarfiusoq sisamanik moduleqarpoq.

    • Moduli siulleq: 28. november – 1. december 2022
    • Modulit aappaat: 27. februar – 2. marts 2023
    • Modulit pingajuat: 5. juni – 8. juni 2023
    • Modulit sisamaat: 11. september - 14. september 2023

    Ilinniartitaanermi peqataasut ilinniaqatigiinnut agguataarneqassapput modulillu akornanni ulloq naallugu takkulluni peqataanissaq piumasaqaataavoq.

    Paasissutissat nalinginnaasut

    • Modulini peqataaneq akeqanngilaq.
    • Ullut pikkorissarfiusut tamarmik nerisaqarfiussapput.
    • Atuakkanut aningaasartuuteqarnissaq naatsorsuutigineqassaaq.
    • Peqataasut namminneq angalanissamut najugaqarfissamullu inniminniillutillu akiliissapput. PPK-ip isumaqatigiissutaa naapertorlugu atorfeqartut pikkorissaanernut aningaasaqateqarfimmut qinnuteqarsinnaapput.

    Ilinniartitaaneq pillugu nassuiaat tamakkiisoq uani takuneqarsinnaavoq:

    Qinnuteqarfissaq kingulleq: 1. oktober 2022.

    Kursusdata

    • Id: Familiekonsulentuddannelse 2022

    Kursusevents

    Det er ikke muligt at tilmelde dig til dette kursus

    Paasissutissat sukumiinerusut:

    Paasissutissat sukumiinerusut pisortarmut

    Bettina Hanghøj Johansen
    E-mail-ikkut: behj@nanoq.gl
    imal. oqarasuaatikkut: (+299) 349950
    attaveqarnikkut pissarsiarineqarsinnaapput.