Tarnikkut katsorsaasutut ilinniartitaaneq 2027–2030

Tarnikkut katsorsaasutut ilinniarneq tassaavoq ingerlaqqiffiusumik ilinniartitsineq suliamut qanittumik ingerlanneqartoq, inuit akornanni sulisuuguit aammalu allannguinermik, atugarissaarnermik ineriartornermillu pilersitsisinnaaninnik nukittorsaanissaq kissaatigigukku.

Ilinniarneq aqqutigalugu inuit ataasiakkaat, aappariit ilaqutariillu eqqarsaatigalugit tarnikkut ilisimasalimmik inuussutissarsiutigalugu suliaqarnissamut piginnaasaqalerlutit. Ilinniakkat inuttullu tunngavissaqarluartumik pilersinneqassaatit, tassani ilisimasat, periutsit aammalu nammineq ineriartorneq ataatsimoortumik tarnikkut sulinermut ilanngunneqarlutik.

Ilinniarneq Peqqissaanermik Ilinniarfik (PI) aamma Systemisk Institut for Familieterapi (SIF) suleqatigiinnerisigut neqeroorutigineqassaaq aammalu Dansk Psykoterapeutforeningimit (MPF) akuersissutigineqarsimalluni.

Ilinniartitaaneq pillugu nassuiaat tamakkiisoq uani atuaruk.

Tarnikkut katsorsaasutut ilinniartitaaneq ukununnga saaffiginnissutaavoq:

• Peqataasut inunnik isumaginninnermi -perorsaasutut imaluunniit peqqinnissamut tunngasumik ilinniarsimasutut qaffasissumik akunnattumik sivisussusilimmik ilinniarsimasut pisortallu suliffeqarfiutaanni atorfillit.
• Suliffeqarfiup qulakkiissavaa qinnuteqartoq modul 17-it tamakkerlugit peqataasinnaasoq.

Ilinniarnerup aaqqissuussaanera

Tarnikkut katsorsaasutut ilinniartitaaneq sisamanik immikkoortoqarpoq (modulit).

• Modul-it 17-it ulluni tallimani ingerlanneqartussat
• Ilinniartitsineq sapaammiit sisamanngornermut
• Ataatsimoorluni ilinniarnermi suleqatigiinneq ingerlaavartoq
• Nammineq peqqissartinneq, nakkutiginnittoq, aammalu piviusumik sungiusarneq
• Namminneq sungiusarnermi pikkorissaneqartoq suleqatigalugit sulineq

Ilinniarnerup aammalu modul-it 17-it pilersaarutaat tamakkerlugit takuuk uani.

Ukioq siulleq

• Modul 1: 11.–14. januaari 2027
• Modul 2: 4.–8. apriili 2027
• Modul 3: 12.–16. septemberi 2027
• Modul 4: 14.–18. novemberi 2027

Ilinniarnerup ukiuata siulliup pilersaarutaa takuuk uani.

Imarisai aammalu ilinniarsimasat

Ilinniarneq katitingaavoq aammalu pingasunik pingaarutilinnik toqqammaveqarpoq:

• Atuagarsornermi ilisimasaqarneq – tarnip pissusaanik sammivii aammalu periuserineqartartut pillugit paasinninneq
• Inuttut ineriartorneq – imminut ilisarisimaneq aammalu terapeutitut najuunneq
• Peqqissarnermik sulineq – piginnaasat aalajangersimasut sungiusarnikkut aammalu nakkutiginnikkut ineriartortinneqartut

Piumasaqaatit

• Ilinniarsimasutut qaffasissumik akunnattumik sivisussusilimmik ilinniarsimasut imaluunniit sivisunerusumik ingerlaqqiffiusumik naleqquttumik ilinniagaqarsimaneq
• Ukiuni minnerpaamik pingasuni inuussutissarsiutigalugu misilittagaqarneq

Immikkut pisoqartillugu misilittakkat piumassuseqarnerlu tunngavigalugit immikkut akuersissummik qinnuteqarnikkut akuersisoqarsinnaavoq.

Atuakkat

• Qallunaatut – atuakkanut aningaasartuuteqarnissaq naatsorsuutigineqassaaq

Ilinniartitsinermi oqaatsit

• Qallunaatut

Internetimut attaveqarneq

• Ilinniarneq onlinekkut malinnaaffigineqarsinnaanngilaq. PI-mi nammineq najuulluni peqataasoqassaaq.

Akissarsiat

• Suliffeqarfimmit akissarsiaqarluni peqataasarnissamut qinnuteqartoqassaaq

Angalaneq, najugaqarneq aammalu ullormusiat

• Angalaneq najugaqarnerlu PI-mit aaqqissuunneqassapput
• Ullormusiat suliffeqarfimmut qinnutigineqassapput

Angalanermut najugaqarnermullu paasissutissat pingaarutillit atuakkit uani.

Attaveqarfissat

• Sukumiisumik apeqqutit: kursus@pi.gl
• Ilinniarnerup aalajagersimasumut imarisaanut apeqqutit: Trine Sand – trine@sif-udd.dk
• SIF pillugu annertunerusumik atuarit: http://www.sif-udd.dk