Modulit pillugit takussutissiaq uani takuuk.

Piginnaasatigut naliliivigineqarnikkut tapersersortitut ilinniartitaaneq katillugit sap. ak. 41-inik sivisussuseqarpoq- taakkunannga sap. ak. 23-it atuagarsornerussapput sapaatillu akunneri 16-it sulinermik sungiusarfiussallutik. Nassuiaatitaat uani takuuk.

Piginnaasatigut naliliisoqareermat, peqataasup ilinniarnerup aallartinnerani ilinniagaqassutsikkut ilaatigut ilisimasaqareernissaa naatsorsuutigineqarpoq, taamatuttaaq peqataasup ilinniagaqassutsini qaffanniarlugu, sulinermi misilittakkaminik ilinniartitsinermi ilanngussinissaa naatsorsuutigineqarpoq.

Ilinniartitaaneq ilinniartitsinerni peqataanissamik, ilinniartitaanermi anguniagassatut siunniussat angunissaannut tunngatillugu akisussaassuseqarnissamik piumasaqaatitaqarpoq.

Peqataasoq ilinniarnerminik naammassinnittoq makkunani atorfinissinnaavoq:

  • Nammineq angerlarsimaffinni
  • Najugaqarfinni
  • Najugaqatigiiffinni
  • Tarnimikkut nappaatillit inuttut atugaasigut sullissivinni
  • Inissaqanngitsunut unnuisarfinni

Piginnaasatigut naliliivigineqarnikkut peqqissaanermik ikiortinngorniaq, makku eqquutsinneqarpata, ilinniartussatut tiguneqarsinnaavoq:

  • 28-ileereersimanissaq
  • Naapertuuttunik piffissaq suliffiusartoq tamakkerlugu minnerpaamik ukiuni marlunni sulinermik misilittagaqarneq.
  • Pinerlussimannginnermut uppernarsaateqarneq
  • Ilinniagaqassutsikkut inuttullu piginnaasat, kiisalu kalaallisut danskisullu oqaatsitigut piginnaasat pillugit maanna sulisitsisup naliliinera.
  • Sulisitsisup akuersissutaa ilanngussaq sulisitsisumit immersorneqassaaq, una tooruk.

Akissarsiaqartitsineq: Atuagarsornerup nalaani pikkorissartitsinermut taartisiat ullormut 650 koruunit sulisitsisumut akiliutigineqartassapput.

Sulinermik sungiusarneq: Peqataasut akissarsiaqartinneqarnissaat (SIK isumaqatigiissutaa malillugu) kiisalu sulinermik sungiusarnermi immersugassamik PI-mit suliarineqartumik krydsilersuinissaq, sulisitsumit akisussaaffigineqarput.

Angalanissaq, ineqarneq pikkorissartitsinermullu taartisiat PI-mi pikkorissarnernut immikkoortortamit isumagineqassapput.

Atuagarsornerup nalaani meeqqisartoqarsinnaanngilaq.

Sumiiffissaq: Peqqissaanermik Ilinniarfik

Peqataaniarluni nalunaarfissaq kingulleq: 26. april 2024 sulisitsisup akuersissutaa ilanngullugu

Kursusdata

  • Id: Realkompetencevurderingsuddannelse til støtteperson.

Kursusevents

  • Pikkorissartarfik: Peqqissaanermik Ilinniarfik
  • Piffissami: 27.05.2024 - 27.06.2025
  • Piffissaliussaq: 26.04.2024
  • Varighed:
  • Issiavissaq: 15 (13 tilbage)

Paasissutissat sukumiinerusut:

Paasissutissat sukumiinerusut pisortarmut

Bettina Hanghøj Johansen
E-mail-ikkut: behj@nanoq.gl
imal. oqarasuaatikkut: (+299) 349950
attaveqarnikkut pissarsiarineqarsinnaapput.