Nerisassat pillugit politikki

Kalaaliminertortarit; aalisagartukulagit aalisakkanillu qallersuusersortarit

Kantiina sap. ak. ataasiarluni marloriarlunilunniit kalaaliminernik aalisakkanillu sassaallertarpoq. 

Ullut tamaasa paarnanik naatitanillu allanik nerisarit

Kantiinap ullormut neqeroorutigai salatinik nammineq tigooraavik kissartortugassanullu naatitanik sassaallerneq. Paarnanik naatitanillu tamulugassanik allanik nutaanik pisisoqarsinnaavoq. 

Ullut tamaasa iffiukkanik karrinik aseqqorluttunik akulinnik karrinillu qalipaarlugit aserortikkanik, saalisakkanik amalorsakkanilluunniit nerisarit, naatsiartukulagit, qaqorteqqasortukulagit imal. pastatukulagit

Kantiina kissartortugassanut iffianik karrinik aseqqorluttunik akulinnik issusuunik kitsikkanik, naatsiianik, qaqorteqqasunik, pastanik imal. iffiukkanik allanik karrinik aseqqorluttunik akoqarluartunik sassaallertarpoq. pastat karrinik aseqqorluttunik akullit - ajornanngippallu qaqorteqqasut inuussutissartaat pigiinnarumallugit naqitsinermi aalarfigisat imal. ooqanngitsut atorpagut. Ullaakkorsiutit orsutaqanngingajallutillu sukkoqanngingajapput naatitanillu aseqqorluttunik nerisat arrornissaannut iluaqutaasunik qaarsillarnartunillu annertuunik akoqarlutik. 

Eqqarsarluaqqaarlutit orsutortarit

Kantiinami orsut peqqinnartut nerisassiornermi atorneqarput orsorlu annikitsumik atorneqarluni. Neqit neqillu qallersuutissat, immuit immussuillu kiisalu salatinut allanullu miseqqiat orsutakitsuunissaat anguniarneqarpoq.   

Sukkutorneq, mamakujuttutorneq, chips-itorneq kaagisornerlu annikilliuk 

Kantiinami neriffissat avataanni iffiukkat karrinik aseqqorluttunik akoqarluartut paarnallu naatitat sasaalliutigineqartarput. Taamaallaat immikkut ittunik pisoqartillugu pikkorissartunullu kaaginik sassaallertoqartarpoq. Mamakujuit chips-it sodvandillu kantiinami nioqqutaanngillat. Paarnanik naatitanik nutaanik tamatigut pisisoqarsinnaavoq paarnanillu naatitanik panertitanik nioqquteqarsinnaanissaq anguniarneqarluni.

Imermik imertarit - saftitorneq sodavanditornerlu annikilliuk 

Nerilernerit tamaasa imermik sikulimmik sassaallertoqartarpoq. Paarnat naatitat isserannik akuutissartaqanngitsunik puiaasaniittunik saftinillu kartonngeeqqaniittunik pisisoqarsinnaavoq. Tamakku annikitsuinnarmik imigarinissaat innersuussutaavoq.