Suliassaq / Takorluugaq

Suliassaq:

• Ilinniartitaanernik peqqinnissamut tungiuinermullu tunngasunik, pikkorissaanernik modulikkuuutaartunik; peqqinnissamut, peqqissaanermut, piginnaanngorsaaqqinnermut tungiuinermullu tunngasunik, qaffasissumik pitsaassusilinnik inerisaaneq ingerlatsinerlu.

• Peqqinnissaqarfiup isumaginnittoqarfiullu nukittorsarnissaat taamatullu suleqatigisatta anguniakkaminnik angusisinnaanissaat siunertaralugu, ilinniartitaanerit taakku ilusiligaapput

• Ilinniartuutitta pikkorissartullu, sulinerminni ulluinnarnilu inuunerminni atorsinnaasaannik, inuttut ilinniagaqassutsikkullu piginnaanngorsarnissaq siunnerfigaarputtaaq.

• Periuserput, suleqatitsinnik qanimut suleqateqarnermik akuersaartumillu- ilinniartunut pikkorissartunullu unammilligassanik periarfissanillu annertunerpaanik pilersitsisumik avatangiiseqarnermik- tunngaveqarpoq.

   

ANGUNIAGASSATUT TAKORLUUGAQ

• Peqqinnissamut peqqissaanermut, piginnaanngorsaaqqinnermut tungiuinermullu tunngatillugu ilinniarfittut, ilinniartitaanernik qaffasissumik pitsaassusilinnik pilerinartunik uummaarissunillu neqeroortutut siuttuunissaq anguniagassatut takorloorparput.

• Peqqinnissamut inuiaqatigiinnullu tunngasuni qaffasissutsini tamani, ilinniartitaanermik ilinniakkallu akimorlugit piginnaasatigut inerisaanermik ingerlatsisuunissaq anguniagaraarput.

• Inuusuttut innuttasutut sanngisuutut, siunissami unammilligassanut iliuuseqarfiginnissinnaanngorlugit piginnaanngorsarnissaannut akisussaaqataarusuppugut.

• Nunanit tamalaanit akuerineqarnissaq ilinniartitaanerillu neqeroorutitta nunatta avataaneersunit piumaneqarnissaat anguniagaraarput.

• Anguniagassatut takorluukkat piviusunngortinnissaat, ilinniarfiup naleqartitatut tunngavigisaanit avatangiisinillu nukittuunit unammilligassiisunillu - inuttut ilinniagaqassutsikkullu piginnaasanik inerisaanermik siuarsaasunik misigisaqarnikkut, ikorfartorneqarpoq.

Naleqartitani tunngaviusut:

Ataqqinninneq akuersaarnerlu:

• Inuit allat ataqqinassusaannik, isumassarsiaannik qanorlu isiginninnerannik pingaartitsineq ataqqinninnerlu, sullivimmi avatangiisinik pitsaasunik pilersitsinissamut pingaaruteqarluinnarput.

Pitsaassuseq ineriartornerlu:

• Suliani tamani pitsaassutsimik qaffasissumik anguniagaqarneq, pitsanngorsaajuarnissamut inerisaajuarnissamullu ammasuuneq, naleqartitani pingaaruteqarput.

Sunniuteqarneq akisussaaffillu:

• Aalajangiinernut sunniuteqarsinnaanermik iliuuserisaminnullu akisussaaffimmik tigusisinnaanermik sulisunut periarfissiineq, pimoorussinerulersitsisarpoq piginnittuunermillu misigilersitsisarluni.

Naleqartitat, avatangiisinik toqqissinartunik tatiginniffiusunik, suleqatigiinnermik- ilinniagaqassutsikkut piginnaasatigut ataqqeqatigiinnermik tunngaveqartumik- siuarsaasunik ikorfartuissapput. Naggataagullu ilinniartunik, pikkorissartunik sulisunik aqutsisunillu, nammineq suliassaminnut tunngatillugu nammineersinnaassutsimik akisussaassutsimillu takutitsinissamut isumassarsisitsissapput kajungilersitsissallutillu.