Oqalutsinut ilinniarsimasunut imal. allamik ilinniagalinnut, Peqqinnissaqarfimmi oqalutsitut/nutserisutut sulisunut pikkorissaaneq AMA-mit aningaasaliiffigineqartoq.

    Peqqinnissaqarfik suleqatigalugu Peqqissaanermik Ilinniarfimmit neqeroorutaavoq. Pikkorissaaneq moduli ataasiusoq novembarip ulluisa 27-iannit decembarip ulluisa aallaqqaataannut ingerlanneqassaaq nal. 08.15-miit 16.00-imut

    Saaffigineqartut: Oqalutsitut ilinniarsimasut imal. allamik ilinniagallit Peqqinnissaqarfimmi oqalutsitut sulisut.

     

    Siunertaq:

    Peqataasut nutaanik piginnaasaqalernissaat imal. maannamut piginnaasaminnik annertusaanissaat, pikkorissaanermi siunertaavoq. Avatangiisini inuttut ilikkagassatigullu pitsaasunik periarfissiisuni ataatsimoorluni ilinniarfiusinnaasumi tamatuma ingerlanneqarnissaa pingaartinneqarpoq.

     

    Anguniakkat

    • Peqataasut oqalutsip akisussaaffiinik piginnaasaqarfiinillu ilisimasaqalernissaat.
    • Peqataasut oqaluttaanermi attaveqatigiinnerup pingaaruteqassusaanik ilikkarnissaat.
    • Peqataasut pitsaasumik ileqqorissaarlutik akisussaassuseqarlutillu sulisinnaanissaat kiisalu napparsimasup immikkut pisariaqartitaasa eqqarsaatiginissaat.
    • Peqataasut nammineq suleriaatsiminnik isumaliutiginnissinnaanissaat.
    • Peqataasut allakkianik peqqinnissamut tunngasunik napparsimasunullu paasissutissiissutinik nutserisinnaanngornissaat.
    • Peqataasut timip pisataanut sulineranullu kalaallisut taaguutinik ilikkarnissaat.
    • Peqataasut napparsimasunik peruluutilinnik qanigisaasunillu oqaloqatiginninnerni ilungersunartuni ilinniagaqassutsikkut sullissillualernissaat.

    Ilinniartitsineq:

    Ilinniartitsineq Peqqissaanermik Ilinniarfimmi ingerlanneqassaaq. Pikkorissaanermi saqqummiussisoqartassaaq, ilinniartitsisup peqataasullu akornanni oqaloqatigiittoqartassaaq, piviusuutitanik tunngaveqarluni suliaqartoqartassaaq, assigiinngitsunik sungiusartoqartassaaq paasissutissanillu ujaasisoqartassalluni. Taamaammat ilissi nammineq qarasaasiassi imal. smartphone-issi nassarnissaa pingaaruteqarpoq.

     

    Imarisai:

    Inatsisit suliassaqarfillu

    Ileqqorissaarneq – oqalutsi oqaloqatigiinnerni ilungersunartuni qanoq pissusilersussava?

    Napparsimassuneq pillugu ilinniarneq

    Attaveqatigiinneq

    Nipangiussisussaatitaaneq / akuersineq

    Taaguutit peqqinnissamut tunngasut

    Timip sananeqaataa sulineralu

    Pitsaassutsimik qulakkeerineq – oqalutsit qanoq ilillutik pitsaassutsimik qulakkeereqataasinnaappat?

    Ilinniakkat akimorlugit suleqatigiissitsineq

    Ilinniagaqassutsikkut pitsaasutsimik qaffasissumik takutitsineq

    Piviusuutitamik tunngaveqarluni suliaqarneq

    Paasissutissanik ujaasineq: Oqaasileriffiup nittartagaani, danskisut/kalaallisut (nutsikkat), Google aamma attaviit/ links.

    Angalaneq, najugaqarneq ullormusiassallu Peqqissanermik Ilinniarfimmit isumagineqassapput.

    Pikkorissarnermut akiliut: 5000kr

    Kursusdata

    • Id: AMA - Tolkekursus
    • akissaq: 5000kr

    Kursusevents

    Det er ikke muligt at tilmelde dig til dette kursus

    Paasissutissat sukumiinerusut:

    Paasissutissat sukumiinerusut pisortarmut

    Bettina Hanghøj Johansen
    E-mail-ikkut: behj@nanoq.gl
    imal. oqarasuaatikkut: (+299) 349950
    attaveqarnikkut pissarsiarineqarsinnaapput.