Peqqissaanermik Ilinniarfimmiit nuannaarutigalugu nalunaarutigissavarput Systemisk Institut for Familieterapi suleqatigalugu ikorfartuisutut/supervisoritut ilinniartitaanerup neqeroorutaanera.

 

Ikorfartuisutut ilinniagaqassutsikkut inuttullu ineriartornissamut sulinermilu pimoorussiuarnissamut qulakkeereqataassaatit. 

Ikorfartuisutut /supervisoritut ilinniartitaaneq ukununnga saaffiginnissutaavoq:

Inunnut isumaginninnerup, ilinniartitsinerup imal. peqqinnissamut tunngatillugu ilinniartitaanerup iluani akunnattumik sivisussusilimmik sivisuumilluunniit qaffasissumik ilinniagalinnut, tassanilu minnerpaamik ukiuni pingasuni misilittagalinnut.

Ilinniartitaanermut peqataaniarluni nalunaarnerup ilinniartitaaneq tamakkerlugu peqataanissamut pisussaaffiliinera maluginiaqquneqarpoq.

Pissutsit nalinginnaasut.

Ilinniartitaaneq 2022-imi augustimi ulluisa arfineq pingajuanni aallartittussaq modulinik tamarmik immikkut ullunik tallimanik sivisussusilinnik arfinilinnik immikkoortortaqarpoq Peqqissaanermillu Ilinniarfimmi ingerlanneqassalluni.

2022 aamma 2023-imimodulit qaqugu ingerlanneqarnissaat:

Moduli siulleq:                22. – 26. august 2022              

Modulit aappaat:             31. okt. – 4. nov. 2022

Modulit pingajuat:             5. – 9. februar 2023

Modulit sisamaat:            11. – 15. juni 2023   

Modulit tallimaat:             3. – 7. september 2023

Modulit arferngat:            19. – 23. november 2023

Najoqqutassaq uani takuuk

Ilinniartitsineq qallunaatut ingerlanneqassaaq. 

Modulini peqataaneq akeqanngilaq ullunilu pikkorsissarfiusuni tamani nerisaqartitsisoqassalluni.

Kursusdata

Kursusevents

---

Paasissutissat sukumiinerusut:

Paasissutissat sukumiinerusut pisortarmut

Bettina Hanghøj Johansen
E-mail-ikkut: behj@nanoq.gl
imal. oqarasuaatikkut: (+299) 349950
attaveqarnikkut pissarsiarineqarsinnaapput.