PRAKTIKVEJLEDERKURSUS FOR NYE PRAKTIKVEJLEDERE

Siunertaq

Peqataasut akuersissutigineqarsimasut ilinniagaqarnissamut pilersaarutit kiisalu ilinniarnermut atuakkat aaqqissuunneqarnerannik ilisimasaqalissapput. Taamatuttaaq ilinniartut sulinermi misiliisut ilinniarnerminni pitsaanerpaamik ilitsersorneqarsinnaaqqullugit atorneqarsinnaasunik piginnaasaqalissapput.

Pikkorissaaneq marlunnut aggugaavoq:

Pikkorissaneq ilinniagaq pillugu aqqutissiorneqarneq immikkoortunut marlunnut agguagaavoq, immikkoortullu tamarmik immikkut peqataasussanut sammititaallutik.

Immikkoortoq 1

• 14.–18. september 2026 Peqqissaanermi ikiortit-, Tapersersortit-, Portøri annaassiniartartoq-, Peqqinnissakkut sullissisoq-, Klinikassistenti-, Kigutigissaasoq- Sundhedassistenti ilinniartut.

Immikkoortoq 2

• 21.–25. september 2026 Sulinermi misiliinermi Ilinniagaq pillugu aqqutissiorneqarnermi immikkoortoq 1-imi peqataareersimasunut aammalu peqqissaanermi assistentinngorniartunik aqqutissiorneqarnermi ilitsersuisuusunut.

Immikkoortoq 1-imi anguniakkat peqataasut:

• atuuttumik ilinniarnermut atuakkap aammalu ilinniarnermut pilersaarutip aaqqissuunneqarneranik ilisimasaqalissaaq.
• praktikimi ilinniarnerup anguniagaanik ilisimasaqalissaaq.
• praktikimi ilinniarnermik pilersaarusiorneq ingerlatsinerlu akisussaaffigissallugit piareersarneqassaaq.
• atuuttumik ilinniarnermut atuagaq atorlugu praktikimi piffissani tamani ilitsersuineq pilersaarusiorlugulu ingerlanneqarsinnaalissavaa.
• praktikimi ilinniarnermi qaffasissutsit qanoq saqqummiunneqarsimanerannik aammalu taakku ilikkagassatut anguniakkatut atorneqarsinnaanerannik ilisimasaqalissaaq.
• ilinniartup inuttut fagikkullu piginnaasaasa nalilersorneqartarnerannik ilisimasaqalissaaq.
• praktikstedimut nassuiaammik (praktikstedsbeskrivelse) suliaqarsinnaanissamut piareersarneqassaaq.

Sullinniakkat: Peqqissaanermi ikiortit, Tapersersortit, Portøri annaassiniartartoq, Peqqinnissakkut sullissisoq.

Modul 2-p siunertaa tassaavoq peqataasoq pisinnaassasoq:

• Nalunaarut atuuttoq, ilinniarnermut pilersaarut aamma ilinniarnermut atuagaq ilitsersuisut atorneqarsinnaasoq.
• Peqqissaasutut ikiortit suleriaasiattut peqqissaaneq pillugu ingerlatsineq atorsinnaassallugu.
• Ilinniartunik suliassamik allannermi atuuttunik piumasaqaatit naliliinermilu tunngavigisat naapertorlugit ilitsersuisinnaassalluni.
• Eqqarsaatigeqqittarneq, ilitsersuinerup periutsii aamma ilinniarnermut sakkussat ilitsersuunneqarnermi atorsinnaassallugit.
• Ilinniarnerup ingerlasarnera, taksonomier pillugu kiisalu piviusersorsiornermik tunngavilimmik ilinniartitsineq pillugit ilisimasaq atorlugu ilitsersuisinnaassalluni.
• Ilitsersuisutut nammineq inissisimaneq nukittorsarlugu kiisalu pitsaasumik ilinniarfiusinnaasumik avatangiiseq ineriartortitseqataaffigisinnaassallugu.

Sullinniakkat: Sundhedsassistentit

Oqaatsit: Ilinniartitsineq qallunaatut/kalaallisut ingerlanneqassaaq.

Ilinniartitsinermi periuseq: Allattariarsorluni tunngavigalugu saqqummiinerit, ataatsimoorluni oqallinnerit kiisalu eqimattakkaarluni suleqatigiissinneq.

Ilinniartitsisut: Peqqissaaneq aamma peqqinnissamik tunngasunik ilinniartitsisut, tunngaviusumik peqqinnissamut ilinniartitaanernik ilisimasaqarluartuusut.

Atuagarsorneq:

• Atortussat atuagarsornerlu pikkorissanermi agguaanneassapput.

Ilinniartitsinermi oqaatsit:

• Qallunaatut/kalaallisut.

Online/onlineunngitsoq:

• Ilinniarneq onlinekkut malinnaaffigineqarsinnaanngilaq. Peqqissaanermik Ilinniarfimmi (PI) najuulluni peqataasoqassaaq.

Akissarsiaq:

• Suliffinnit akissarsiaqarlutit sulinngiffeqarnissat qinnutigissavat.

Angalaneq, najugaqarneq ullormusiassallu:

• Suliffeqarfiup nammineq angalaneq najugaqarnerlu innimissallugillu kiisalu ullormusiassat tunniutissavai.

Pikkorissanermut tunngasunik kiisalu ilinniarnermut apeqqutit uunga nassiunneqarsinnaapput: kursus@pi.gl

Angalanermut najugaqarnermullu paasissutissat pingaarutillit – uani takuuk.