Attaveqaqatigiinnermut aaqqiagiinnernullu paasisimasaqarnerit annertusarusuppiuk?

Aaqqiagiinnginneq attaveqariaatsivullu:

Aaqqiagiinnginnerit inuunerup ilagimmagit suleqatit sullitallu akornanni pinngitsoorneqarsinnaasanngillat, tamannali isumaqanngilat nuanniitsumik kinguneqartuassasut.

Aaqqiagiinnginnerimmi ilinniarnissamut, ineriartornissamut, nutaaliornissamullu aqqutissiuussisuusinnaapput, kinguneqarluartussamik siunertalimmik iliuuseqarfigisarnerat aallukkaanni. Tassanilu pingaarutillit ilagivaat inuttut attaveqariaatsitta eqqummaariffiginissaa.

Pikkorissarnermi anguniagaq siunertarlu:

Siunertaavoq attaveqarninni pikkoriffigeriikkatit toqqammavigalugit, attaveqartariaatsippit eqqummaariffiginissaanut periusaasinnaasunik pissarsiaqarnissat.

Taamaasillutit suleqatitut attaveqariaatsit atorlugu aaqqiagiinnginnernik pinaveersaartitsinissaanerit, aaqqiagiinnginnerillu piulersimappata pitsaasumik siunertalimmik iliuuseqarfigisarsinnaanissaannut sakkussarsinissat.

Suliffimmi tarnikkut avatangiisit toqqissisimanartut ineriartortitseqataaffiginerat kivitseqataaffigisinnaanngussallugu, suliffiup suli suleqatigiilluarfiulerneratigut naammassisat, suliallu pitsaassusaasa ineriartornerannik inerititaqarfiusumik.

Aaqqiagiinnginnerit illit inuuninni, suliffinni qanoq pinaveersaartissinnaanerat, iliuuseqarfigisarsinnaanerat, aaqqissuteqarfigisarsinnaanerallu ineriartortikkusukkukku una pikkorissarnissaq tulluarsinnaavoq.

Pikkorissarnermi uku pissarsiarissavatit:

• Aaqqiagiinninnerit qanoq piulertarnerat
• Illit nammineq allallu aaqqiagiingeriaasiisa paasinerunerat
• Aaqqiagiinnginnerit assigiinngitsut – sumillu aallaveqarsinnaasarnerat
• Pissaaneq, pisinnaatitaaffiit, soqutigisat-pisariaqartitat-ernumassutillu tunngavigalugit oqariartuuteqartarnerup sunniutaasa assigiinngissutaat.
• Inuttut pisariaqartitavut
• Allanngornerit qanoq sunniuteqarsinnaasarnerat – aaqqiagiinnginnernut atatillugu
• Ulluinnarni sulininni aaqqiagiinngittoqartillugu iml. aaqqiagiinnginnerit pinaveersaartinniarlugit attaveqariaatsit periutsillu atorluarsinnaasatit
• Attaveqariaatsit assiigiinngitsut, tutsuiginartumik ataqeqqatigiilluni attaveqariaaseq ukkallugu.
• Oqaloqatigiinnermi aaqqiagiinnermiluunniit oqaloqatiginnittariaaseq tamagiinnut pitsaasumik pissarsiaqarfiusussamik siunertalik
• Qanoq iliorlutit aaqqiagiinnginneq illit nammineerlutit akuuffigisatit pitsaasumik kinguneqarnissaannut iliuuseqartarsinnaanerit
• Inuttut pissusilersuutit attaveqariaatsillu iluarinerusavut
• Attaveqariaatsippit tigusisussamut naleqqussarsinnaanera
• Imminut inunnullu allanut paasinninneq suli annertunerusoq.

Pikkorissarneq kigutileriffinni assistentinut tamanut aaqqiagiinnginnermi pinaveersaartitsinermik iml. qisuariartaatsinik attaveqariaatsinillu suli pitsaanerusunik ineriartortitsiserusuttunut iml. nutarsarusuttunut naleqqussagaavoq.

Pikkorissaanermi periuseq atorneqartussaq:

Pikkorissarneq toqqissisimanartumik ingerlanneqasaaq. Pikkorissaasoq naatsumik periutsinik saqqummiisassaaq. Pikkorissartut kisimiillutik eqimattanilu suliaqartassapput sungiusaatinik, eqqarsaatiginneqqissaanernillu ilaqartunik.