Ilinniagaq pillugu aqqutissiuisoq
Ilinniagaq pillugu aqqutissiuisoq makku pillugit aqqutissiuisarpoq:
- Ilinniakkap imarisaa ilinniarnerullu aaqqissuussaanera
- ilinniarnerup suliffeqarnikkut ilinniakkatigullu periarfissiinera
- Ilinniartutut sunik piumaffigineqarnerit
- Ilinniartunngussaguit sunik piginnaasaqarnissat
- Ilinniarnerit aallartereerpat ilinniakkannut inuttulluunniit inuuninnut tunngasunik oqaloqatigiissuteqarnissamik pisariaqartitsineq
- Ilinniariaaseq, soorlu atuariaaseq allariaaserlu
- Ajornartorsiutit inuttut namminermut ilinniakkamullu tunngasut ilinniakkamut pingaarutillit pillugit oqaloqatiginninneq.
Inuttut inuuninni pissutsit ilinniarnissannut ajornartorsiortitsippata, tarnip pissusaanik ilinniarsimasumik psykoterapeutimilluunniit oqaloqateqarnissannik periarfissaqarpoq. Aqqut.gl-kkut immersugassamik imersuinikkut Ilinniartunik Siunnersuisarfimmut saaffiginnissaatit.
Atuartut ilinniarfimmut paasisassarsiortarnerat
Ilinniagaq pillugu siunnersorti isumaqatigiissuteqarfigalugu atuartut ilinniarfimmi angallanneqarlutik paasisassarsiornissamut periarfissaqarput.
Tamatumani ilinniartut periarfissaraat:
- Ilinniarfiup takunissaa
- Ilinniarnermi fagit iliniartitsissutaasut assigiinngitsut ilinniartitseriaatsittalu paasisaqarfiginissaat.
- Inunnik isumaginninnermi peqqinnissaqarfimmilu sulinerup– piginnaasanillu allanik sunik piumasaqaateqarfiunerata paasisaqarfiginissaat.
Sinerissami ilinniartitaanerit pillugit paasititsiniaasarnerit
Ilinniagaq pillugu siunnersortit sinerissami -Qaqortumi, Nuummi, Sisimiuni Aasiannilu
ilinniartitaanernik paasititsiniaalluni saqqummersitsinerni peqataasarput. Ilinniartitaanernik paasissutissiiniarluni saqqummersitsinerni ilaatigut maani ilinniartitaanerit ilinnialerniaraannilu piumasaqaatit, ilinniarnerit qaqugu aallartittarnerat qinnuteqarfissallu kingulliit paasisaqarfigisinnaavatit.
Sulisut
Aqqutissiuisoq Mie H. Frederiksen
Oqarasuaat: 34 99 61
E-mail: mihf@nanoq.gl
Saaffissaq alla
Peqqissaanermik Ilinniarfik / Center for Sundhedsuddannelser
Svend Jungep Aqq. 2
Postboks 1499
3900 Nuuk
Oqarasuaat: (+299) 34 99 50
E-mail: pipost@nanoq.gl
