[ Error ]

Grønlandsmedicinsk Selskab-ip aaqqissugaanik Peqqissaanermik Ilinniarfimmi nal. 17.00  ammasumik ataatsimiititsineq 


Najoqqutassaq:                                                         

  • Inuiaqatigiinni ikittunnguani  pinngoqqaatinut tunngatillugu ilisimatusarnerit/ilisimatooq Torben Hansen, Steno Diabetes Center
  • Ataavartumik anniaatit nipaallisaatinillu sakkortuunik (opioider) atuineq/ ilisimatooq, nakorsaaneq, ilisimatusaateqarsimasoq Per Sjøgren, Rigshospitalimi piartortunik katsorsaaneq pillugu ilisimatusarnermi immikkoortortami kræftimik nappaatilinnut nakorsiartitsivimmeersoq.
  • Inuunerup naleqassusaa nappaatillu inuunermut navianaatillitpiginnaanngorsaaqqinneq piartortunillu katsorsaaneq/ ilisimatooq Helle Timm, Piginnaanngorsaaqqinneq piartortunillu katsorsaaneq pillugit paasisimasaqarfimmi pisortaq, Statens Institut for Folkesundhed
  • Ileqqorissaarneq nunallu inoqqaavi/ nakorsaaneq Henrik Krarup, Aalborg Universitetshospital 

Ataatsimuualaarneq:

Nuannersumik persuarsiornanngitsumik nereqatigiissaagut.

Nerisassat oqitsut 150 koruuninik nalillit sassaalliutigineqassapput. Nerisassanik inniminniinissaq siunertaralugu kingusinnerpaamik 2015-imi oktobarip ulluisa aappaanni peqataanissamut nalunaartoqassaaq.

Nalunaarfissaq: Suzanne Møller mailikkut: Sum@pi.uni.gl oqarasuaatikkulluunniit:385902

Oqalugiaatini peqataanissamut nalunaartoqartariaqanngilaq.

  

Inussiarnersumik inuulluaqqusilluta

Inuuti Fleischer, Ruth Montgomery-Andersen, Gert Mulvad, Suzanne Møller, Michael L. Pedersen, Turid B. Skifte