Peqqinnissaqarfimmi oqalutsit piginnaasaannik inerisaanermut tunngatillugu suliniut.

    Peqqinnissaqarfik suleqatigalugu Peqqissaanermik Ilinniarfimmit (PI) neqeroorut.

    Pikkorissaaneq modulinik marlunnik immikkoortortaqarpoq. Modulinut taakkununnga marlunnut peqataaniarluni ataasiaannarluni nalunaartoqassaaq. 

    Moduli siulleq:                      19.september – 23. september 2022

    Modulit aappaat:                      7. november – 11. november 2022

     

    Saaffigisat: Oqalutsit ilinniarsimanngitsut Peqqinnissaqarfimmi atorfillit.

    Peqqinnissaqarfimmi oqalutsit tassaapput piffissaq suliffiusartoq tamakkerlugu oqalutsitut sulisut imal. suliamik allat saniatigut oqaluttaasartut. Oqalutsit allamik ilinniagaqarsimasuussanngillat.  

     Ilikkagassatut/pissarsiassatut anguniakkat: Oqalutsit piginnaasaqassutsikkut tulleriiaarneqarnissaat piginnaasatigullu qaffassarneqarnissaat kissaataavoq.

    Peqataasut nutaanik piginnaasaqalernissaat, pikkorissarnerullu peqataasut ilisimasaannik malitseqartitsinermik iliuuseqarfiginninnermillu naggaserneqarnissaa siunertaavoq. Tamatuma ilinniagalittut ataatsimoorluni, peqataasut ataasiakkaat kingorna tapersersorneqarfigisinnaasaanni annertunerusunillu ilikkagaqarfigisinnaasaanni ingerlanneqarnissaa pingaartinneqarpoq.

     Anguniagassatut siunniussat

    • Peqataasut oqalutsit suliassaqarfiinik ilisimasaqalernissaat
    • Peqataasut namminneq piginnaasaqarfimminnik akisussaaffimminnillu ilisimaarinnilernissaat
    • Peqataasut pisimasut nammineq suliffimmeersut atorlugit, nammineq suliaminnik isumaliutersuutiginnissinnaalernissaat.
    • Peqataasut ileqqorissaarluni akisussaassuseqarlunilu sulinermik ilikkarnissaat
    • Peqataasut napparsimasumut iluaqutaanerpaat pisullu inunnut ataasiakkaanut tunngasut, pisariaqartitat naleqartitallu eqqarsaatigalugit, oqaluttaasinnaanngornissaat.
    • Peqataasut ilinniagaqassutsikkut taakkulu akimorlugit ataqqinnilluni suleqatigiinnermik siuarsaasinnaanngornissaat

    Ilinniartitsineq: Ilinniartitsineq Peqqissaanermik Ilinniarfimmi ingerlanneqassaaq – Pikkorissarnermi saqqummiussisoqartassaaq, paasissutissanik ujaasisoqartassaaq, sungiusartoqassaaq, piviusuutitanik sammisaqartoqassaaq, ilinniagassaqassaaq il.il.  

    Imarisai:

    • Inatsisit suliassaqarfillu
    • Ileqqorissaarneq – oqaloqatigiinnermi ilungersunartumi oqalutsi qanoq iliuuseqassava
    • Napparsimasuuneq pillugu ilinniarneq
    • Attaveqatigiinneq
    • Nipangiussisussaatitaaneq/ akuersineq
    • Paasissutissanik ujaasineq
    • Peqqinnissamut tunngatillugu taaguusersuutit
    • Timip sananeqatai sulineralu
    • Pitsaassutsimik qulakkeerineq – oqalutsi qanoq ililluni pitsaassutsimik qulakkeereqataasinnaava
    • Ilinniakkat akimorlugit suleqatigiinnik pilersitsineq
    • Ilinniagaqassutsip qaffasissusaa
    • Pikkorsissaanerup nalaani peqataasut paasissutissanik ujaasineq namminneq ilinniarlugulu misilissavaat; Oqaasileriffiup nittartagaa, Danskisut/kalaallisut (nutsikkat), google, http;….ATTAVIIT
    • Piumasaqaat/piareersarneq: Piviusuutitamik suliaqartoqarsinnaavoq (oqaloqatigiinneq/nutserineq ilungersunartoq – nappaat nalunartoq) modulit akornanni pisumik, napparsimasumut tunngatillugu paasissutissat, ukiut – suiaassuseq, ajornartorsiut – isumaqatigiissutaareersutut imal. pinasuartumik nakorsamik oqaloqateqarneq– pisumik nassuiaaneq. (periuseq taanna atuagarsukkat sulinerullu imminnut atassusernissaannut, peqataasunut ikorfartuutaasinnaavoq iluaqutaasinnaallunilu)

    Angalaneq, ineqarneq ullormusiassallu PI-mit isumagineqassapput.

    Kursusdata

    • Id: Kompetenceudviklingsprojekt for Tolke i Sundhedsvæsenet.

    Kursusevents

    Det er ikke muligt at tilmelde dig til dette kursus

    Paasissutissat sukumiinerusut:

    Paasissutissat sukumiinerusut pisortarmut

    Bettina Hanghøj Johansen
    E-mail-ikkut: behj@nanoq.gl
    imal. oqarasuaatikkut: (+299) 349950
    attaveqarnikkut pissarsiarineqarsinnaapput.