Aningaasaliiffigisaanik tapersersortinngornianut, portøritut annaassiniartartunngornianut peqqissaanermilu ikiortinngornianut sulinermik sungiusaasussanik pikkorissaaneq

    Ilinniartut ilinniartitaanerisa inerisarneqarneranut peqataanissaq soqutigilluinnagaraajuk? Imal. sulinermik sungiusaaneq ingerlatarereerpiuk ilinniartitaanerannillu pilersaarusiorsinnaanissamut piginnaasannik inerisaarusuppit? Taava ilinniartunik sulinermik sungiusaasutut pikkorissarnissaq ilinnorpiaq tulluartuussaaq!

    Sulinermik sungiusaasussatut pikkorissarnerup siunertaraa:

    Sulinermik sungiusaasutut, ilinniartuni ataasiakkaani sulinermik sungiusaanissavit qanoq pilersaarusiorsinnaanissaa aaqqisuussinnaanissaalu pillugit ilisimasaqalernissat, kiisalu peqataasutut atuagarsukkatigut ilisimalikkanik sulinermilu periutsit ilinniarnermilu sakkussat assigiinngitsut aqqutigalugit ataqatigiissitsisinnaanissamut piginnaasanik qanoq siuarsaasinnaanissamik ilisimasaqalernissat.

    Anguniakkat:

    • Peqataasut nunatsinni portøritut annaassiniartartunut- peqqissaanermi ikiortinut tapersersortinullu atugassarititaasunik toqqammavissanillu pilersitsinermut inerisaanermullu attuumassuteqartunik paasinninnissaat
    • Peqataasut sulinermik sungiusarnermi suut ilisarnaataanerannik paasinninnissaat.
    • Peqataasut ilinniakkani pineqartuni sulinermik ilinniarnermik aaqqisuussinermi toqqammavissanik tunngaviusunik paasinninnissaat.
    • Peqataasut qanoq inissisimaffimminnik sulinermillu sungiusaasuunerminnik paasinnissinnaanngornissaat.
    • Peqataasut suliassanut sulinermik sungiusaasuunermut attuumassuteqartunut tunngatillugu iliuuseqarsinnaanngornissaat.

    Imarisai:

    Ilinniartitaanerit aaqqissuussaanerat.

    Suliffimmi ilinniarneq ilisimasassallu. Atuagarsornermut/sulinermullu tunngasut.

    Sulinermik sungiusaasuuneq suliassallu.

    Ilinniartitaanerup pilersaarusiorneqarnera.

    Naliliineq.

    Ilitsersuineq eqqarsaatersuutiginninnerlu.

    Ilinniartitsineq Peqqissaanermik Ilinniarfimmi kalaallisut ingerlanneqassaaq.

    Ilinniartitseriaaseq: Atuagarsukkatigut saqqummiussinerit, oqallisiginninnerit, eqimattakkuutaarluni suliaqarnerit piviusuusaartitsinerillu.

    Ilinniartitsisut: Peqqissaanermik Ilinniarfimmi peqqissaanermut - peqqinnissamut tunngasunik ilinniartitsisut 

    Saaffigisat: Sundhedsassistentit (peqqissaanermi ikiortinngornianik-portøritut annaassiniartartunngornianik tapersersortinngornianillu sulinermik sungiusaasut) – portøritut annaassiniartartut – peqqissaanermi ikiortit tapersersortillu ilinniartunik sulinermik sungiusaasartut.

    Qaqugu: Decembarip 05 - 09 ilanngullugu

    Angalanissaq, ineqarneq ullormusiassallu Peqqissaanermik Ilinniarfimmit isumagineqassapput

    Pikkorissarnermut akigitinneqartoq: 5000 kr.

    Kursusdata

    • Id: Praktikvejlederkursus
    • akissaq: 5000

    Kursusevents

    Det er ikke muligt at tilmelde dig til dette kursus

    Paasissutissat sukumiinerusut:

    Paasissutissat sukumiinerusut pisortaagallartormut

    Navarana Johansen
    E-mail-ikkut: njon@nanoq.gl
    imal. oqarasuaatikkut: (+299) 349950
    attaveqarnikkut pissarsiarineqarsinnaapput.