Ilinniartitaaneq modulikkaarlugu aaqqissugaavoq modulinillu marlunnik pinngitsoorani peqataaffigisassanik, modulit nammineq toqqagassat ataavartumik neqeroorutaasartut akornanni toqqaannginninni naammassisassanik

Ilinniartitaaneq soraarummeerummik pinngitsoorani suliassamik naggaserneqassaaq ataatsimullu ilinniagartuutut ilinniartitaanermi katillugit  ECTS-pointinik 60-inik pissarsiffiussalluni.

Ilinniartitaaneq pillugu nassuiaat tamakkiisoq uani atuaruk her.

Imarisaa - toqqagassaq:

Tarnikkut nappaatit – katsorsaaneq

Modulimi toqqagassami, inunni ataasiakkaani-, eqimattani inuiaqatigiinnilu eqqarsartaatsikkut peqqinneq, nalerisimaarneq inuunerullu naleqassusaa sammissavatit. Pissutsit, inuttut atukkanut, kulturimut inuiaqatigiinnullu tunngasut, inuit peqqissusaannut qanoq sunniuteqartarnerat, illillu ilinniagalittut pitsaaliueqataallutillu peqqinnerulersitseqataasinnaanerit siusussukkullu iliuuseqaqataasinnaanerit paasisimasaqarfigilissavatit. Ilinniartitsinikkut, innuttaasut immikkut pisariaqartitsisut kinaassusersinissaat, peqqinnissamut tunngatillugu aqqusaartugaanni naapertuuttuni tapersersornissaat, qanigisaasullu, attaveqarfiit  ilinniagallillu allat suleqatiginissaat, piginnaaneqarfigilissavatit. Moduli toqqagassaq- inatsisit, ilinniagalittut akisussaaffiup, inuunermi pisartut, kinguaassiuutitigut peqqissuunerup, ilinniakkat pisortaqarfiillu akimorlugit suleqatigiinnerup pingaaruteqassusaannik ilisimasaqalersitsissaartaaq. Modili toqqagasaq naammassigukku, peqqinnerulernissamik, nalerisimaarnermik innuttaasunullu qassinilluunniit ukiulinnut peqataatitsinernik suliniutinik ataqatigiissunik  pilersitsiniarninni nukittunerulissaatit.

 Moduli pillugu nassuiaat tamakkiisoq uani atuaruk her.

 Saaffigisat – ilinniarlernissamut akuerineqarnissamut piumasaqaatit  

Isumaginninnermut peqqinnissamullu tunngasunik sulialinnut ilinniagartuutut ilinniartitaanermi ilinnialertussatut akuerineqassaguit piumasaqaatit makku eqquutittariaqarpatit:

• Naapertuuttumikinuussutissarsiummut sammititamik, ilinniarnertuutut imal. allamik qaffasissumik akunnattumik sivisussusilimmik ilinniagaqassaatit.
• Sivikinnerpaamik ukiuni marlunni sulinermik misilittagaqassaatit
• Pisortat ingerlataanni inunnik isumaginnittoqarfimmi – peqqinnissaqarfimmiluunniit atorfeqassaatit

 Tamatuma saniatigut periarfissaavortaaq:

• Ilinniagartuutut ilinniartitaaneq tamakkernagu- modulini ataasiakkaani peqqaataasinnaanissaq

Pikkorissarneq pillugu paasissutissat:

ID: Ilinniagartuutut ilinniartitaaneq

Akia: Akeqanngilaq

Sivisussusaa:  Ilinniartitsineq, soraarummeerneq ilanngullugu, ullunik qulinik sivisussuseqassaaq.

• Ulloq ataaseq internetsikkut ilinniartitsineq, ilinniartitsineq sap. ak. pingasut missaat sioqqullugu ingerlanneqartussaq.
• Ullut arfineq pingasut ilinniartitsinerit –ullorlu ataaseq soraarummeerfik PI-mi naapilluni ingerlanneqassapput.
• Internetsikkut ingerlatsineq pissaaq tallimanngorneq 4/10- 2027
• Piffissaq: 21/10 – 2/11-2027

Inissat: 15

Peqataaniarluni nalunaarfissaq kingulleq:

• 13/9-2027

Pikkorissarfissaq/neqeroortoq:

• Peqqissaanermik Ilinniarfik

 Paasissutissat nalinginnaasut:

Ilinniartitsinermi oqaatsit atorneqartussat:

Danskit oqaasii

Internetsikku/internet atornagu:

• Ilinniartitaaneq internetsikkut malinnaavigineqarsinnaanngilaq

Auakkat:

• Danskisuut – ulloq siulleq tunniunneqassapput/ ilinniartitsisunit mailikkut nassiunneqassapput.
• Atuagassanut aningaasartuuteqartoqarsinnaassaaq

Akissarsiaqarneq:

• Akissarsiaqarlutit sulinngiffeqarnissat sulisitsisunnit qinnutigissavat

Angalaneq- ineqarneq- ullormusiat:

• Angalaneq ineqarnerlu PI-mit pilersaarusiorneqassapput.
• Ullormusiat sulisitsisumit qinnutigineqassapput

Angalaneq ineqarnerlu pillugit paasissutissat pingaarutillit–uani atuakkit her