Moduli toqqagassaq: Tarnikkut nappaatit – katsorsaaneq tungiuinerlu. Isumaginninnermut peqqinnissamullu tunngasunik sulialinnut ilinniagartuutut ilinniartitaaneq
Isumaginninnermut peqqinnissamullu tunngasunik sulialinnut ilinniagartuutut ilinniartitaaneq tassaavoq ilinniartitaaneq ingerlariaqqiffiusoq sivikitsoq, ilinnut inunnik inuttut atukkatigut peqqissutsikkullu ajornartorsiutilinnik sullitalimmut naapertuuttoq.
Pikkorissarnermi paasissutissat
- Id: Akademiuddannelse
- Akia: Akeqanngilaq
- Sivisussusaa: ca. 3 uger
- Issiavissaq: 15 (15 kiserngurupput)
- Piffissami: 08.04.2027 - 20.04.2027
- Piffissaliussaq: 01.03.2027
- Pikkorissartarfik: Peqqissaanermik Ilinniarfik, Nuuk
Ilinniartitaaneq modulikkaarlugu aaqqissugaavoq modulinillu marlunnik pinngitsoorani peqataaffigisassanik, modulit nammineq toqqagassat ataavartumik neqeroorutaasartut akornanni toqqaannginninni naammassisassanik
Ilinniartitaaneq soraarummeerummik pinngitsoorani suliassamik naggaserneqassaaq ataatsimullu ilinniagartuutut ilinniartitaanermi katillugit ECTS-pointinik 60-inik pissarsiffiussalluni.
Ilinniartitaaneq pillugu nassuiaat tamakkiisoq uani atuaruk.
Imarisaa - toqqagassaq:
Tarnikkut nappaatit – katsorsaaneq tungiuinerlu.
Moduli toqqagassaq, inuit tarnikkut nappaateqartut innuttaasutut, napparsimasutut sullitatullu peqqinnissamut inunnillu isumaginninnermut atatillugu, tunngaviusumik ataatsimullu isiginnittumik paasisaqalersitsissaaq. Nappaatip suussusersisap inuttaa sammineqassaaq, unammilligassat, nukissat periarfissallu tarnikkut nappaateqarluni inuunermut sunniuteqartut ukkanneqassallutik.
Peqataasut, inuup tarnikkut ineriartorneranik, inuup inuunermini ineriartorneranik, tarnikkut nappaatinut ersiutaasunik, nakorsaariaatsinik kiisalu tarnikkut nappaatinut patsisaasunik, attuumassutaasunik paasilertoruminaanerannillu ilisimasaqalissapput. Tarnikkut nappaatinut taaguusersuutit pingaarnerit, nappaammik paasinninneq, isumaliutersuutillu naapertuuttut, inunnik tarnikkut nappatilinnik naapitsinermi, ilinniagaqassutsikkut paasinninnermik iliuuseqarsinnaassutsimillu annertusaasut, modulimi paasissutissiissutigineqassapputtaaq.
Ilinniartitsineq suliffimmi pisunik annertuumik ukkassiviuvoq innuttaasunillu ataasiakkaanik, qanigisaasunik pingaarnertullu saaffissanik allanik suleqateqarnermik ikorfartuilluni. Pitsaanerulernissamik, tarnikkut nappaammit aniguinermik, nalerisimaarnermik, ilinniakkat akimorlugit ataqatigiissumik suleqatigiinnissamik siuarsaanissaq siunertaralugu, ilinniakkat, suliniaqatigiiffiit pisortaqarfiillu akimorlugit, ataasiakkaanut eqimattanullu periutsit sammineqassapput.
Moduli tamakkerlugu nassuiaat uani atuaruk.
Saaffigisat – ilinniarlernisamut akuerineqarnissamut piumasaqaatit
Isumaginninnermut peqqinnissamullu tunngasunik sulialinnut ilinniagartuutut ilinniartitaanermi ilinnialertussatut akuerineqassaguit piumasaqaatit makku eqquutittariaqarpatit:
- Naapertuuttumik inuussutissarsiummut sammititamik, ilinniarnertuutut imal. allamik qaffasissumik akunnattumik sivisussusilimmik ilinniagaqassaatit.
- Sivikinnerpaamik ukiuni marlunni sulinermik misilittagaqassaatit
- Pisortat ingerlataanni inunnik isumaginnittoqarfimmi – peqqinnissaqarfimmiluunniit atorfeqassaatit
Tamatuma saniatigut periarfissaavortaaq:
- Ilinniagartuutut ilinniartitaaneq tamakkernagu- modulini ataasiakkaani peqqaataasinnaanissaq
Pikkorissarneq pillugu paasissutissat:
ID: Ilinniagartuutut ilinniartitaaneq
Akia: Akeqanngilaq
Sivisussusaa: Ilinniartitsineq, soraarummeerneq ilanngullugu, ullunik qulinik sivisussuseqassaaq.
- Ulloq ataaseq internetsikkut ilinniartitsineq, ilinniartitsineq sap. ak. pingasut missaat sioqqullugu ingerlanneqartussaq.
- Ullut arfineq pingasut ilinniartitsinerit –ullorlu ataaseq soraarummeerfik PI-mi naapilluni ingerlanneqassapput.
- Internetsikkut ingerlatsineq pissaaq tallimanngorneq 19/3- 2027
- Piffissaq: 8 – 20/4-2027
Inissat: 15
Peqataaniarluni nalunaarfissaq kingulleq:
- 1/3-2027
Pikkorissarfissaq/neqeroortoq:
- Peqqissaanermik Ilinniarfik
Paasissutissat nalinginnaasut:
Ilinniartitsinermi oqaatsit atorneqartussat:
- Ilinniartitaaneq internetsikkut malinnaavigineqarsinnaanngilaq
Auakkat:
- Danskisuut – ulloq siulleq tunniunneqassapput/ ilinniartitsisunit mailikkut nassiunneqassapput.
- Atuagassanut aningaasartuuteqartoqarsinnaassaaq
Akissarsiaqarneq:
- Akissarsiaqarlutit sulinngiffeqarnissat sulisitsisunnit qinnutigissavat
Angalaneq- ineqarneq- ullormusiat:
- Angalaneq ineqarnerlu PI-mit pilersaarusiorneqassapput.
- Ullormusiat sulisitsisumit qinnutigineqassapput
Angalaneq ineqarnerlu pillugit paasissutissat pingaarutillit–uani atuakkit
Paasissutissat sukumiinerusut:
Attavigikkit:
Pikkorissanermik immikkoortaq
E-mail-ikkut: kursus@pi.gl
imal. oqarasuaatikkut: (+299) 349950
attaveqarnikkut pissarsiarineqarsinnaapput.