Moduli toqqagassaq: Nunatsinni piartortunik tungiuineq – qanoq inneq ersiutinillu nipaallisaaneq. Isumaginninnermut peqqinnissamullu tunngasunik sulialinnut ilinniagartuutut ilinniartitaaneq

Ilinniartitaaneq modulikkaarlugu aaqqissugaavoq modulinillu marlunnik pinngitsoorani peqataaffigisassanik, modulit nammineq toqqagassat ataavartumik neqeroorutaasartut akornanni toqqaannginninni naammassisassanik

Ilinniartitaaneq soraarummeerummik pinngitsoorani suliassamik naggaserneqassaaq ataatsimullu ilinniagartuutut ilinniartitaanermi katillugit  ECTS-pointinik 60-inik pissarsiffiussalluni.

Ilinniartitaaneq pillugu nassuiaat tamakkiisoq uani atuaruk her.

Imarisaa - toqqagassaq:

Nunatsinni piartortunik tungiunieq  – qanoq inneq ersiutinillu nipaallisaaneq.

Moduli peqqinnissakkut sullissisunut, tunngaviusumik piartortunik tungiuinermi piginnaasaminnik inerisaasussanut sammitinneqarpoq.

Modulimi tassani ilinniartoq tunngaviusumik suliassanik, piartortunik tungiuinermut tunngasunik isumaginninnissamut sakkussinneqassaaq, nunalu tamakkerlugu piartortunik tungiusoqatigiinni tungiuinermik immikkut ilisimasaqarfimmik paasisimasaqalissalluni. Nunatsinni kræftimik nappaateqartut tamarmik aamma/imal. ajorunnaarsinneqarsinnaangitsumik inuunermut navianaatilimmik nappaateqartut, ukiui nappaatillu suunera apeqqutaatinnagit, ilinniakkat akimorlugit piartortunik tungiuisoqatigiinnit ikiorserneqartussaapput. Tamatuma saniatigut napparsimasut ajorunnaarsinneqarsinnaanngitsumik uumalluuteqartut/pualluuteqartut sianiuteqarfikkullu nappaateqartut ataasiakkaat, piartortunik tungiusoqatigiinnit aamma ikiorserneqarsinnaanissaat naatsorsuutigineqarpoq.

Modulimi toqqagassami periuseq nutaanerpaaq– tunngaviusumik piartortunik tungiuinermi periutsit, isumaliutersuutit misissueqqissaarnermilu sakkussat, inerisaanermik ilisimatusarnermillu tunngaveqartut ilanngunneqarput.

Moduli tamakkerlugu nassuiaat uani atuaruk her.

Saaffigisat– ilinnialersinnaanermut piumasaqaatit 

Isumaginninnermut peqqinnissamullu tunngasunik sulialinnut ilinniagartuutut ilinniartitaanermi ilinnialertussatut akuerineqassaguit piumasaqaatit makku eqquutittariaqarpatit:

• Naapertuuttumikinuussutissarsiummut sammititamik, ilinniarnertuutut imal. allamik qaffasissumik akunnattumik sivisussusilimmik ilinniagaqassaatit.
• Sivikinnerpaamik ukiuni marlunni sulinermik misilittagaqassaatit
• Pisortat ingerlataanni inunnik isumaginnittoqarfimmi – peqqinnissaqarfimmiluunniit atorfeqassaatit

Tamatuma saniatigut periarfissaavortaaq:

• Ilinniagartuutut ilinniartitaaneq tamakkernagu- modulini ataasiakkaani peqqaataasinnaanissaq

Paasissutissat nalinginnaasut:

Ilinniartitsinermi oqaatsit atorneqartussat:

• Danskit oqaasii

Internetsikkut/ internetsikkuunngitsoq:

• Ilinniartitaaneq internetsikkut malinnaavigineqarsinnaanngilaq

Auakkat:

• Danskisuut – ulloq siulleq tunniunneqassapput/ ilinniartitsisunit mailikkut nassiunneqassapput.
• Atuagassanut aningaasartuuteqartoqarsinnaassaaq

Akissarsiaqarneq:

• Akissarsiaqarlutit sulinngiffeqarnissat sulisitsisunnit qinnutigissavat

Angalaneq- ineqarneq- ullormusiat:

• Angalaneq ineqarnerlu PI-mit pilersaarusiorneqassapput.
• Ullormusiat sulisitsisumit qinnutigineqassapput

Angalaneq ineqarnerlu pillugit paasissutissat pingaarutillit–uani atuakkit her