Anigoruminaatsumik nalaataqarneq pillugu ilinniartitaaneq 2027 – Qaqortumi ingerlanneqartussaq

Anigoruminaatsumik nalaataqartunik katsorsaasutut ilinniartitaaneq tassaavoq ilinniagalinnut meeqqanik, inuusuttunik inersimasunillu, anigoruminaatsumik, ilungersunartunik nalaataqarsimasunik imal. sumiginnagaasimasunik sullissisunik suliitigaluni qaffasisumik ilinniarneq.

Ilinniartitaanerup, anigoruminaatsumik nalaatsinerup inuit nalerisimaarnerannut, misigissusaannut, pissusilersornerannut atassuteqarfiinut ineriartornerannullu qanoq sunniuteqarneranik paasisaqarlualersissavatit. Inunnik anigoruminaatsumik nalaataqarsimanermut qisuariaatilinnik, toqqissinartumik, ataqqinnittumik ilinniagaqassutsimillu tunngaveqartumik, misigissutsikkut isumannaassuseq, nalimmassaaneq neriunnerlu qitiutillugit naapitsinissamut ilisimasaqalerlutillu sakkussaqalissaatit.

Ilinniartitsineq, sianiuteqarfiit sananeqaataannik ilisimatuussutsikkut misissuinermik, misigissutsikkut sakkortuumik attaveqarnermik, inuup tarnikkut ineriartornerani timip tarnillu ataqatigiinnerannik periutsinik ilisimasanik nutaanerpaanik tunngaveqarpoq. Tamatuma peqatigisaanik, ilinniartitaanermi kulturimik mianerinnilluni sulineq, anigoruminaatsumik nalaatsisimanermut ilisimasanik nunatsinnut naleqqussakkanik tunngaveqarluni periutsinik atuineq, immikkut ukkanneqarput.

Ilinniartitaanermi atuagarsorneq sulinerlu ataqatigiissineqarput peqataasullu meeqqanut, inuusuttunut, inersimasunut ilaqutariinnullu tunngasunik suliaqarnermi toqqaannartumik atorneqarsinnaasunik tigussaasunik sakkussinneqassallutik.

Makku ilaatigut piginnaaneqarfigilissavatit:

• Anigoruminaatsumik nalaataqarnerup, inuit ineriartornerannut, pissusilersuutaannut atassuteqarnerannullu sunniutinik paasinninneq
• Meeqqani, inuusuttuni inersimasunilu anigoruminaatsumik nalaataqarsimanermut ersiutinik suussusersisinnaaneq
• Toqqissinartunik ineriartornissamut tapersersuisunik atassuteqarfinnik pilersitsisinnaaneq
• Misigissutsikkut nalimmassaasinnaaneq nalerisimaarnerunissamillu ikorfartuisinnaaneq
• Anigoruminaatsunik nalaataqarsimanermik ilisimaarinnilluni nukissallu eqqarsaatigalugit suleriaaseqarneq
• Inunnik inuunerminni assigiinngitsunik atugaqartunik tunuliaqutalinnillu naapitsinermi kulturimik mianerinnittumik suleriaaseqarneq.
• Anigoruminaatsumik nalaatsinermut tunngatillugu ilisimasanik nammineq suliffimmi iliuusissanik tigussaasunngortitsineq.

Saaffigisat: Inunnik isumaginninnermut-, ilaqutariinnut-, peqqinnermut-, atuarfinnut-,tungiuinermut nakorsaanermullu tunngasunik ilinniagallit.

Ilinniartitaaneq pillugu nassuiaat tamakkiisoq uani atuaruk her.

Ilinnialersinnaanermut piumasaqaatit: Anigoruminaatsumik nalaataaqarsimasunik katsorsaasutut ilinniartitaaneq ukununnga sammitinneqarpoq:

• Pisortat suliffeqarfiini sulisut, tarnip pissusaanik immikkut ilisimasalittut imal. tarnikkut katsorsaasutut ilinniarsimasut.

Ilinniartitaaneq:

• Ukiup ataatsip ingerlanerani modulit sisamat:

Ingerlanneqarnissaa:

• Moduli 1: 1/5-imiit 5/5-imut 2027
• Moduli 2: 24/5-imiit 28/5-imut 2027
• Moduli 3: 30/8-imiit 2/9-imut 2027
• Moduli 4: 8/11-imiit 12/11-imut 2027

Pikkorissarneq pillugu paasissutissat

• ID: Anigoruminaatsumik nalaataqarsimasunik katsorsaasutut ilinniartitaaneq
• Akia: Akeqanngilaq – Ullut pikkorissarfiit tamarmik nerisaqarfiussapput.
• Sivisussusaa: Ukoq ataaseq modulinut sisamanut agguarlugu
• Inissat: 20
• Peqataaniarluni nalunaarfissaq kingulleq: 1/4- 2027
• Pikkorissarfissaq/neqeroortoq: Qaqortoq /Systemisk Institut for Familieterapi (SIF) Peqqissaanermik Ilinniarfik suleqatigalugu.

Atuakkat:

• Danskisuut – Atuagassanut aningaasartuuteqartoqarsinnaassaaq

Ilinniartitsinermi oqaatsit atorneqartut:

• Danskit oqaasii

Internetsikku/internet atornagu:

• Ilinniartitaaneq internetsikkut PI-mi naapilluni ingerlanneqassaaq

Akissarsiaqarneq:

• Akissarsiaqarlutit sulinngiffeqarnissat sulisitsisunnit qinnutigissavat

Angalaneq- ineqarneq- ullormusiat:

• Peqataasut namminneq angalanissaminnut inniminniillutillu akiliissapput. PPK-mi isumaqatigiissutillit pikkorissarnermut aningaasaateqarfik qinnuteqarfigisinnaavaat.

 

Angalaneq ineqarnerlu pillugit paasissutissat pingaarutillit–uani atuakkit her

Paasissutissat nalinginnaasut ilinniakkamullu tunngasut allat:

• Paasissutissat nalinginnaasut pillugit attavissaq: kursus@pi.gl
• Ilinniartitaanerup imarisai pillugit apeqqutini attavissaq: Trine Sand trine@sif-udd.dk
• SIF annertunerusunik paasisassarsiorfigerusukkukku: http://www.sif-udd.dk