Isumaginninnermut peqqinnissamullu tunngasunik sulialinnut ilinniagartuutut ilinniartitaanermi soraarummeerut

Isumaginninnermut peqqinnissamullu tunngatillugu sullissinerup iluani ilinniagartuutut ilinniartitaaneq tassaavoq ilinniartitaaneq ingerlariaqqiffiusoq sivikitsoq, ilinnut inunnik inuttut atukkatigut peqqissutsikkullu ajornartorsiutilinnik sullitalimmut naapertuuttoq.

Ilinniagartuutut ilinniartitaaneq naapertuuppoq:

• Naapertuuttumik inuussutissarsiummut samititamik ilinniagalimmut
• Ilinniarnertuutut naammassisimasumut imal. allamik qaffasissumik akunnattumik sivisussusilimmik ilinniagalimmut
• Ilinniagartuutut ilinniartitaanermi modulinik marlunnik pinngitsoorani peqataaffigisassanik namminerlu toqqakkanik pingasunik naammassinnissimasumut

Ilinniakkap aaqqisuussaanera tamakkiisoq uani atuaruk

Moduli soraarummeerut:

Soraarummeerummi, ilinniartup ilinniagartuutut ilinniartitaanermit ilisimasai misilittagaalu nammineq sulinikkut katersorneqassapput. Ilinniartup isumaginninnermut peqqinnissamullu tunngatillugu ajornartorsiutit isumaliutersuutit misissuinermilu periutsit nunatsinnilu inatsisit atuuttut naapertuuttut tunngavigalugit, misissueqqissaarsinnaanermut inerisaasinnaanermullu piginnaasaminik takutitsinissaa siunertaavoq.

Ilinniartup pitsaassutsimik inerisaanermillu suliaqarnermi-, ilinniagalittut ingerlatitseqqiinermi- ilinniakkallu akimorlugit piginnaasai, modulimi nukittorsarneqassapput. Soraarummeerut allattariarsukkamik annertujaamik suliaqarnermik avataaneersumillu censoreqarluni oqaatsit atorlugit illersugassamik naggaserneqassaaq.

Moduli pillugu nassuiaat una toorlugu atuaruk

Paasissutissat nalinginnaasut

Piffissaq: 10. – 25. februar 2026

Modulimi peqataaneq akeqanngilaq.

Angalaneq ineqarnerlu Peqqissaanermik Ilinniarfimmit isumagineqassapput.

Ilinniartitsineq danskisut ingerlanneqassaaq.