Isumaginninnermut peqqinnissamullu tunngasunik sulialinnut ilinniagartuutut ilinniartitaaneq - Moduli pinngitsoorani peqataaffigisassaq 2

Isumaginninnermut peqqinnissamullu tunngatillugu sullissinerup iluani ilinniagartuutut ilinniartitaaneq tassaavoq ilinniartitaaneq ingerlariaqqiffiusoq sivikitsoq, ilinnut inunnik inuttut atukkatigut peqqissutsikkullu ajornartorsiutilinnik sullitalimmut naapertuuttoq.

Ilinniartitaaneq modulikkaarlugu aaqqissugaavoq modulinillu marlunnik pinngitsoorani peqataaffigisassanik, modulit nammineq toqqagassat ataavartumik neqeroorutaasartut akornanni toqqaannginninni naammassisassanik aallarniuteqarluni.

Ilinniartitaaneq soraarummeerummik pinngitsoorani suliassamik naggaserneqassaaq ataatsimullu ilinniagartuutut ilinniartitaanermi katillugit ECTS-pointinik 60-inik pissarsiffiussalluni.

Ilinniartitaaneq pillugu nassuiaat tamakkiisoq uani atuaruk her.

Imarisai - Moduli pinngitsoorani peqataaffigisassaq 2: Pitsaassutsimik inerisaaneq uppernarsaanerlu

Moduli pinngitsoorani peqataaffigisassaq 2 isumaginninnermut peqqinnissamullu tunngatillugu sulinermi isumannaallisaaqataanermik, ataavartitseqataanermik pitsaassutsimillu ukkassiviuvoq.

Ilinniakkat pisortaqarfiillu akimorlugit, napparsimasoq, innuttaasoq, qanigisaasut suleqatigisallu peqatigalugit aaqqiissutissanik tigussaasunik siunnersuusiorsinnaanissaq, ikorfartuisinnaanissaq piviusunngortitsisinnaanissarlu siunertaralugu, sulinermi ajornartorsiutinik misissueqqissaarnissamut, uppernarsaanissamut, pitsaassutsimik inerisaanissamut naliliinissamullu, ilinniatoq piginnaaneqalissaaq.

Moduli pillugu nassuiaat tamakkiisoq uani atuaruk her.

Saaffigisat – tiguneqarnissamut piumasaqaatit

Isumaginninnermut peqqinnissamullu tunngasunik sulialinnut ilinniagartuutut ilinniartitaanermi tiguneqassagaanni

piumasaqaatit makku eqquutsinneqassapput:

• Naapertuuttumik inuussutissarsiummut sammititamik ilinniagaqarneq, ilinniarnertuutut naammassisimaneq imal. allamik qaffasissumik akunnattumik sivisussusilimmik ilinniagaqarneq
• Minnerpaamik ukiuni marlunni naapertuuttumik misilittagaqarneq
• Isumaginnittoqarfimmi Peqqinnissaqarfimmiluunniit atorfeqarneq.
• Ilinniartitaaneq tamakkiisoq naammassinngikkaluarlugu modulit ataasiakkaat qinnutiginissaat

Paasissutissat nalinginnaasut:

Ilinniartitsinermi oqaatsit atorneqartut:

• Danskit oqaasii

Internetsikkut/nalinginnaasumik:

• Ilinniartitaaneq internetsikkut malinnaavigineqarsinnaanngilaq

Najoqqutassat:

• Danskisuut – Ulloq siulleq tunniunneqassapput/ mailikkut ilinniartitsisunit nassiunneqassapput.
• Najoqqutassanut aningaasartuuteqartoqarsinnaavoq

Akissarsianut tunngasoq:

• Akissarsiaqarlutit sulinngiffeqarnissat sulisitsisunnut qinnutigisinnaavat

Angalaneq- ineqarneq- ullormusiaqarneq

• Angalaneq ineqarnerlu Peqqissaanermik Ilinniarfimmit isumagineqassapput.
• Ullormusiassat sulisitsisumit qinnutigineqassapput

Paasissutissat angalanermut ineqarnermullu tunngasut uani atuakkit her