Anigoruminaatsunik nalaataqarsimasunut katsorsaasutut ilinniartitaaneq

Ilinniartitaaneq, nalaatat anigoruminaatsut sianiuteqarfinnut sunniutaat pillugit ilisimasanik nutaanerusunik; attaveqarnermik, naleqqussarsinnaanermik, inooriaatsimillu kinguaariinnut tullernut ingerlateqqitakkamik tunngaveqarpoq. Timip tarnillu ataqatigiinnerannik tunngaveqarneq, qaratsap timillu oqariartuutaannik akuleriissitsivoq misigissutsikkullu isumannaassutsimik, sianiuteqarfiit aalajangersimasut atorlugit timip ilungersuatitaaneraniit/stress eqqissinermut utertinneqarneragut, inuit namminneq nukissaminnut attaveqarnerannik nukittorsaanermik ukkassilluni. Atuagarsorneq, sulineq namminerlu ilinniagaqassutsikkut ineriartorneq sammineqarput.

Anigoruminaatsumik nalaataqarsimasunut katsorsaasutut ilinniartitaaneq nunatsinni pissutsit aallaavigalugit inerisarneqarpoq, kulturimik akuersaarneq, ataqqinninneq naleqqussarnerlu, najukkami aallaaveqartumik periuseqarneq, illoqarfinni nunaqarfinnilu ataatsimoornernut ataqqinninneq, pingaartinneqarlutik.

Ilinniartut ilinniarnertik naammassigunikku nammineerlutik anigoruminaatsumut nalaassimasamut misiggarinneq pillugu sulinissamik aaqqissuussisinnaanngussapput, ingerlatanut atatillugu toqqissinartunik toqqamavissiisinnaanngussapput, ilinniakkat akimorlugit suleqateqarsinnaanngussapput, periutsinik utersaartitsinernik pitsaaliuisunik aaqqikkiartornissamillu nukittorsaasunik atuisinnaanngussallutik.

Ilinniartunngorsinnaanermut piumasaqaatit, ilinniartitaaneq pillugu nassuiaammi atuarneqarsinnaapput. Peqataaniarluni nalunaarnerup tiguneqarnermik isumaqannginnera maluginiassavarsi. Qinnuteqaatit tamarmik misissorneqareerpata tiguneqarsimanersi imal. itigartitaasimanersi pillugu allakkatigut nalunaarfigineqassaasi.

Ilinniartitaaneq SIF – Systemisk Institut for Familieterapi suleqatigalugu neqeroorutaavoq.

Ukiup ataatsip ingerlanerani ilinniartitaaneq modulinik sisamanik immikkoortoqarpoq:

Moduli siulleq: 9.marts – 13.marts 2026

Modulit aappaat: 4.maj- 8.maj 2026

Modulit pingajuat: 14.september- 18.september 2026

Modulit sisamat: 16. november - 20. november 2026

Paasissutissat nalinginnaasut

Modulini peqataaneq akeqanngilaq, ullunilu pikkorissarfiusuni tamani nerisaqartitsisoqassalluni.

Peqataasussat namminneq angalanissamut ineqarnissamullu inniminniillutillu akiliissapput.

• Atuakkanut angingaasartuuteqarnissaq naatsorsuutigineqassaaq.
• Peqataasussat angalanissamut ineqarnissamullu namminneq inniminniissapput. PPK-mi ilaasortat pikkorissaanernut aningaasaaqateqarfimmut qinnuteqarsinnaapput.

Iliartitaanerup tamakkiisup nassuiaatitaa uani takuneqarsinnaavoq her:

Qinnuteqarfissaq kingulleq: 15. februar 2026.