Puigorneq puigortunillu tungiuineq

Puigortunngorneq timimut qaratsamullu qanoq sunniuttarpa? Qanoq ililluta toqqissinartumik nalerisimaarnartumillu tungiuisinnaavugut? qanorlu ililluta puigortunngortumit namminermit isigalugu paasinnissinnaavugut?

Pikkorissarnermi matumani puigortunngornerup tungiunerullu pingaaruteqarnerisa – paasisat nutaanerpaat, sakkussat tigussaasut sulinermilu isumaliutersuutit aallaavigalugit- ilinniagaqassutsikkut suliassatigullu paasisimasassat pissarsiarissavatit.

Pikkorissarneq

Puigortunngorneq paasilertoruminaatsuuvoq, qaratsamut, timimut inuunerullu naleqassusaanut sunniuteqartoq. Nappaatip qanoq ittuuneranik inuullu pisariaqartitaasa eqqarsaatiginissaannik ilinniagalittut ilisimasaqarnissaq, misigittartuunissaq ilinnikkaniillu sakkussaqarnissaq, tungiuinissami piumasaqaataapput.

Pikkorissaanermi matumani pissarsiarisassat:

• Puigortunngornermik nappaatit qaratsamut timimullu sunniutaannik paasisimasaqalerneq
• Nakorsaatit nakorsaanerlu pillugit ilisimasaqalerneq
• Inummut tunngatillugu tungiunissamut sakkussinneqarneq
• Piviusuusaartitsineq timilu atorlugu ilinniarneq aqqutigalugit suliassanik paasinninneq
• Periutsinik soorlu inuup kinaassusaanik nassuiaariaaseq (Femfaktormodellen), inuup eqqarsartaatsikkut misigisutsikkullu nalerisimaarneranik takutitseriaaseq (Trivselskarret) kiisalu inuit tarnikkut pisariaqartitaannik paasiniaariaaseq (Blomsten) pillugit paasissutissinneqarneq.

Saaffigisat

Pikkorissaaneq peqqinnissamut tunngasumik tungiuinermillu ilinniagalinnut – peqqissaanermi ikiortinut- sundhedsassistentinut peqqissaasunullu –imal. utoqqarnik paaqqutarinninnermi puigortunngortunik sullissinissamik kissaateqartunut tunngatinneqarpoq.

Ilinniartitseriaaseq

Pikkorissaanermi saqqimmiussisoqartassaaq, oqaloqatigiittoqartarluni, eqimattakkuutaarluni sungiusartoqartassalluni, piviusuussaartitsisoqartassalluni suliffimmilu pisunik isumaliutersortoqartassalluni. Suleqataalluni peqataanissaq misilittakkanillu paarlaasseqatigiinnissaq pingaartinneqarput.

Sivisussusaa

Ullut tallimat

Pikkorissareernermi:

• Puigortunngorneq tamatumalu sunniutai itinerusumik paasineqassapput
• Inuttaa qitiutillugi tungiusoqarsinnaanngussaaq
• Periutsit soorlu inuup kinaassusaanik nassuiaariaaseq (Femfaktormodellen), inuup eqqarsartaatsikkut misigisutsikkullu nalerisimaarneranik takutitseriaaseq (Trivselskarret) kiisalu inuit tarnikkut pisariaqartitaannik paasiniaariaaseq (Blomsten) ilikkarneqassapput
• Nalerisimaarnerup attaveqatigiinnerullu nukittorsarnissaannut tigussaasunik sakkussaqartoqalissaaq
• Qanigisaasunik suleqatinillu suleqateqarnissamut piukkunnarsartoqassaa