Meeqqat, inuusuttut ilaqutariillu qitiutillugit, ukioq ataaseq ilaqutariinnut siunnersortitut ilinniartitaaneq

Ilaqutariinnut siunnersortitut ilinniartitaaneq, qaffasissumik pitsaassusilimmik misigittartumillu ilaqutariinnik tapersersuisinnaanngorlutit nassuiaasinnaanngorlutillu, inuttut ilnniagaqasutsikkullu piginnaasavit inerisarnissaannut periarfissiissaaq. Ilinniartitaanikkut ilaqutariinnik tapersersortarialinnik sullissinermi sunniuteqartussanik immikkut ilisimasaqalissaatit sakkussaqalissallutillu.

Ilaqutariinnut siunnersortitut ilinniartitaaneq SIF – Systemisk Institut for Familieterapi suleqatigalugu neqeroorutaavoq.

Ilinniartitaaneq suliffinnit akunnattoorfinnillu ilinniagalittut ulluinnarni siumortakkannik aallaaveqassaaq. Tamatuma peqatigisaanik ilisimatusarnermi paasisanut nutaanerpaanut periarfissinneqassaatit.

Ilinniartitaanermi saaffigineqartut tassaapput qinnuteqartut akunnattumik sivisussusilimmik qaffasissumik ilinniagaqartut, isumaginninnerup, ilinniartitaanerup peqqinnissallu iluani atorfeqartut.

Ilinniartitaaneq ukiumik ataatsimik sivisussusilik sisamanik moduleqarpoq

• Moduli siulleq 25. november – 28. november 2025

• Modulit aappaat 26. januar – 29. januar 2026

• Modulit pingajuat 3. maj – 7. maj 2026

• Modulit sisamaat 17. august - 20. august 2026

Ilinniartitaanermi peqataasut ilinniaqatigiinnut agguataarneqassapput modulillu akornanni ulloq naallugu takkulluni peqataanissaq piumasaqaataavoq.

Paasissutissat nalinginnaasut

• Modulini peqataaneq akeqanngilaq. Ullut pikkorissarfiusut nerisaqarfiussapput.

• Atuakkanut aningaasartuuteqarnissaq naatsorsuutigineqassaaq.

• Peqataasut nammineq angalanissamut ineqarnissamullu inniminniillutillu akiliissapput. PPK -mi ilaasortat pikkorisarnermut aningaasaateqarfimmut qinnuteqarsinnaapput.Ilinniartitaaneq pillugu nassuiaat tamakkiisoq uani takuneqarsinnaavoq.

Qinnuteqarfissaq kingulleq: 1. september 2025.