Ilinniagartuutut ilinniartitaaneq isumaginninnermut peqqinnissamullu tunngasunik sulialinnut - Moduli toqqagassaq Eqqarsartaatsikkut peqqissuuneq

Isumaginninnerup- peqqinnissamullu tunngatillugu sullissinerup iluani ilinniagartuutut ilinniartitaaneq tassaavoq ilinniartitaaneq ingerlariaqqiffiusoq sivikitsoq, ilinnut inunnik inuttut atukkatigut peqqissutsikkullu ajornartorsiutilinnik sullitalimmut naapertuuttoq.

 

Ilinniagartuutut ilinniartitaaneq naapertuuppoq:

• Naapertuuttumik inuussutissarsiummut samititamik ilinniagalimmut
• Ilinniarnertuutut naammassisimasumut imal. allamik qaffasissumik akunnattumik sivisussusilimmik ilinniagalimmut

Minnerpaamik ukiuni marlunni naapertuuttumik misilittagaqassaatit kiisalu isumaginnittoqarfimmi Peqqinnissaqarfimmiluunniit atorfeqassallutit.

Ilinniagartuutut ilinniartitaaneq tamakkernianngikkukku modulini ataasiakkaani peqataanissamut qinnuteqarsinnaavutit.

Ilinniakkap aaqqisuussaanera tamakkiisoq modulillu pillugit nassuiaat una toorlugu atuakkit

Moduli toqqagassaq: Eqqarsartaatsikkut peqqissuuneq(10 ECTS)

Modulimi aaqqisuussaanikkut, inuttut inooqataanikkut inuttullu namminertut eqqarsartaatsikkut peqqissuuneq qitiutinneqarput. Innuttaasunut ilinniartup saaffigisaatut ukiulinnut suliassanut tunngatillugu suussusersisinnaaneq, misissueqqissaarsinnaaneq isumaginnissinnaanerlu ilinniagallillu pisortaqarfiillu akimorlugit sulisinnaaneq, ilinniartup piginnaaneqarfigilissavai. Kiisalu innuttaasut immikkut ittunik pisariaqartitallit kinaassusersisinnaassallugit eqqortunillu ilinniagalinnut innersuussinnaassallugit.

Moduli pillugu nassuiaat una toorlugu atuaruk

 

Paasissutissat nalinginnaasut

Piffissaq: 26.februar -13.marts

Modulip aallartinnissaa sap. ak. pingasunik sioqqullugu ilinniartitsisumit mailikkut attavigineqassaatit, modulilu februaarip ulluisa 26-ianni aallartitsinnagu peqatigiillusi pilersaarusiussaasi, pilersaarusiornermut tamatumunnga minnerpaamik marloriarlutit ullup affaanik atuinissat naatsorsuutigissavat.