Ilinniagartuutut ilinniartitaaneq - Nunatsinni piartortunik tungiuineq – Qanoq inneq ersiutinillu nipaallisaaneq

Isumaginninnerup- peqqinnissamullu tunngatillugu sullissinerup iluani ilinniagartuutut ilinniartitaaneq tassaavoq ilinniartitaaneq ingerlariaqqiffiusoq sivikitsoq, ilinnut inunnik inuttut atukkatigut peqqissutsikkullu ajornartorsiutilinnik sullitalimmut naapertuuttoq.

Ilinniagartuutut ilinniartitaaneq naapertuuppoq:

• Naapertuuttumik inuussutissarsiummut samititamik ilinniagalimmut
• Ilinniarnertuutut naammassisimasumut imal. allamik qaffasissumik akunnattumik sivisussusilimmik ilinniagalimmut
  

Minnerpaamik ukiuni marlunni naapertuuttumik misilittagaqassaatit kiisalu isumaginnittoqarfimmi Peqqinnissaqarfimmiluunniit atorfeqassallutit.

Ilinniagartuutut ilinniartitaaneq tamakkernianngikkukku modulini ataasiakkaani peqataanissamut qinnuteqarsinnaavutit.

Ilinniakkap aaqqisuussaanera tamakkiisoq uani atuaruk

Moduli toqqagassaq: Nunatsinni piartortunik tungiuineq – Qanoq inneq ersiutinillu nipaallisaaneq

Modulimi saffigineqartut tassaapput peqqinnisakkut sullissisut ilinniarsimasut, piartortunik tungiuinermi tunngaviusumik piginnaasanik inersisaasussat. Modulimi matumani, ilinniartoq piartortunik tungiuinermi suliassanik nalinginnaasunik isumaginninnissamut sakkussinneqassaaq, nunatsinnilu piartortunik tungiusoqatigiinni sulianik paasinnissinnaanngussalluni. Nunatsinni kræftimik nappaatillit nakorsarneqarsinnaanngitsumik nappaateqartut aamma/imal. inuunermut navianaatilimmik nappaateqartut, ukiui nappaataallu apeqqutaatinnagit, ilinniakkat akimorlugit piartortunik tungiuisoqatigiit sullitaannut ilaapput. Tamatuma saniatigut ajorunnaarsinneqarsinnaanngitsunik uummammikkut puammikkullu nappaatillit sianiuteqarfitsigullu nappaatit ilaannik nappaatillit, piartortunik tungiuisoqatigiinnit sullinneqartussanut ilanngunneqarnissaat naatsorsuutigineqarpoq.

Toqqagassami ilaapput tunngaviusumik piartortunik tungiuinermi periutsit, isumaliutersuutit periutsillu, sulinermi ilisimasat nutaanerpaat– ilisimasat inerisaanermik- ilisimatusarnermillu tunngaveqartut.

Moduli pillugu nassuiaat una toorlugu atuaruk

Piffissaq:

Septembarip ulluisa 26-iat- Teamsikkut paasissutissiineq. Attavissaq/link Teamsimut iserfissarsi ilinniartitsisussinnillu naapitsivissarsi, mailissinnut nassiunneqassaaq

Oktobarip ulluisa 15-ianniit 28-iannut- Naapilluni ilinniartinneqarneq soraarummeernerlu

Paasissutissat nalinginnaasut.

Modulimi peqataaneq akeqanngilaq.

Angalaneq ineqarnerlu Peqqissaanermik Ilinniarfimmit isumagineqassapput.

Ilinniarneq aallartippat atuakkat najoqqutassat tunniunneqassapput.

Ilinniartitsineq danskisut ingerlanneqassaaq.