Moduli 1: 3. juni – 7. juni 2024; peqqissaanermi ikiortinngornianut, t apersersortinngornianut, portøritut annaassiniartartunngornianut, peqqinnissakkut sullissisunngornianut sundhedsassistentinngornianullu sulinermik sungiusaasussat.

Moduli 2: 10. juni – 14. juni 2024 – sulinermik sungiusaasunut modulimi siullermi peqataasimasunut sundhedsassistentinngornianullu sulinermik sungiusaasunut.

Siunertaq: peqataasut ilinniaritaanermut pilersaarutit ilinniagarlu pillugu paasissutissat akuerisat aaqqissuussaanerannik saqqummiussivigineqarlutillu ilisimasaqalernissaat kiisalu sapinngisamik pitsaanerpaamik ilinniartut/lærlingit suliffimmi sulinermik sungiusarneranni sungiusaasinnaanissamut sakkussinnissaat.

Modulimi siullermi anguniagassaapput peqataasup:

  • Ilinniagaq pillugu paasissutissat ilinniartitaanermullu pilersaarutit atuuttut aaqqisuussaanerannik ilisimasaqalernissaa.
  • Sulinermik sungiusarnermi anguniagaasumik ilisimasaqalernissaa.
  • Sulinermik sungiusarnerup ingerlanneqarnissaanut akisussaaffimmik tigusinissamut sakkussinneqarnissaa.
  • Sulinermik sungiusarnerni tamani, sungiusaanermik aaqqissuussinissamut ilinniagaq pillugu paasissutissanik atuuttunik atuisinnaanngornissaa.
  • Sulinermik sungiusarnermi qaffasissutsit qanoq saqqummiunneqarnerat qanorlu ilillutik ilikkagassatut siunniussatut atorneqarsinnaanerat pillugu ilisimasaqalernissaa.
  • Ilinniartut inuttut ilinniakkatigullu piginnaasaannik naliliisarneq pillugu ilisimasaqalernissaa.
  • Sungiusarfissap nassuiaasiornissaanut sakkussinneqarnissaa.

Saaffigisat: Peqqissaanermi ikiortit, tapersersortit, peqqinnissakkut sullissisut, portørit annaassiniartartut sundhedsassistentillu.

Modulit aappaanni anguniagassaapput peqataasup:

  • Peqqissaanermik suliaqarnermi najoqqutassap SA-mut suleriaasissatut paasinninnissaa
  • Piginnaasassanut uuttuutit pillugit ilisimasaqalernissaa
  • Sungiusaasutut isumaliutiginnissinnaanissaa
  • Ilikkariartortarnermik ilisimasaqalernissaa
  • Piviusuusaartitsilluni ilinniartitsineq anguniakkanullu ikiuunneq pillugit ilisimasaqalernissaa.
  • Sungiusaaneq sungiusaasuunerlu pillugit ilisimasaqalernissaa
  • Suliffimmi ilinniarnermi sakkussat pillugit ilisimasaqalernissaa
  • Sulinermik sungiusarnermi allattariarsukkamik suliaqarnermi siunnersuinissamut sakkussinneqarnissaa

Saaffigisat: Sundhedsassistentit

Oqaatsit atorneqartut: Ilinniartitsineq danskisut/kalaallisut ingerlnneqassaaq

Ilinniartitseriaaseq: Saqqummiussinerit, ataatsimoorluni oqallinnerit eqimattakkuutaarlunilu suliaqarnerit.

Ilinniartitsisut: Ilinniartitsisut peqqissaasut/peqqinnissamut tunngasumik ilinniagallit peqqinnissaq pillugu tunngaviusumik ilinniartitaanernik paasisimasallit.

Ullaap tungaani, ullup qeqqani ualikkullu sutugassaqassaaq.

Angalanissamut bilitsinik inissamillu inniminniineq ullormusiassanillu tunniussineq sulisitsisup isumagissavai. Sulisitsisup aningaasartuutai Peqqissaanermik Ilinniarfimmit utertinneqassapput.

Pikkorissarnermut akiliutissaq: 5.000 kr./sap.ak.

Kursusdata

  • Id: Praktikvejlederkursus for kommende praktikvejledere.
  • akissaq: 5.000 kr./uge.

Kursusevents

  • Pikkorissartarfik:
  • Piffissami: 03.06.2024 - 14.06.2024
  • Piffissaliussaq: 01.05.2024
  • Varighed: 12 dage
  • Issiavissaq: 25 (18 tilbage)

Paasissutissat sukumiinerusut:

Paasissutissat sukumiinerusut pisortarmut

Bettina Hanghøj Johansen
E-mail-ikkut: behj@nanoq.gl
imal. oqarasuaatikkut: (+299) 349950
attaveqarnikkut pissarsiarineqarsinnaapput.