Nakorsaatilerinermut pikkorissarneq.

Pikkorissaaneq sundhedsassistentinut Peqqinnissaqarfimmi kommuninilu sulisunut saaffiginnissutaavoq.

Siunertaq:

Sundhedsassistentit nakorsaatit nakorsaatilerinerlu pillugit ilisimasaannik annertusaanissaq

Nakorsaatinik tunniussisarnermut – tamatumunngalu atatillugu periutsit nakkutilliinerlu, isumannaallisaaneq nakorsaatillu annertussusissaannik naatsorsuisarnermut tunngatillugu piginnaasaqarnerulernissamik qulakkeerinissaq.

Isumannaatsumik nakorsaatinik tunniussinermut nakkutilliinermullu sundhedsassistentip sakkussinnissaa.

Nakorsaatinik tunniussinermut nakkutilliinermullu atatillugu kukkussutaagajunnerpaanik ukkassinissaq.

Imarisai:

• Nakorsaatit pillugit ilinniagassat nalinginnaasut immikkullu ittut
• Inatsisit, maleruagassat, ilitsersuutit najukkamilu sundhedsassistentip akisussaaffianik piginnaasaqarfiinillu nassuiaanissamut periusissiat
• Pitsaassutsimik qulakkeerineq kukkuluttornerillu
• Nakorsaatit timimi atorneqarlutik arrortarnerat, tamatumunngalu atatillugu nakorsaatip inalukkanit timimut ikaarsartarnera, sunniuffia suujunnaartarneralu, nakorsaatillu timimi sunniunneranik nassuiaanissamut inuup timaata sananeqatai sulineralu.
• Nakorsaatilerinermi isumannaallisaaneq kukkuluttornernillu pitsaaliuineq.
• Nakorsaatinik immikkoortitereriaaseq ATC-koder
• Nakorsaatit annertussusissaannik naatsorsuineq
• Peqqinnissaq pillugu ilinniartitsinermi sakkussat periutsillu, tamatumunngalu atatillugu napparsimmaviup avataani napparsimmavimmilu innuttasut, napparsimasut qanigisaasullu suleqatigalugit; ilitsersuineq, kajumissarineq namminerlu nakorsaatissanik iisisarneq.

 

Pikkorissarsimanermut uppernarsaat:

Uppernassaammik pissarsisinnaassagaanni, pikkorissarneq misilitsinnermik angusiffiusumik naggaserneqassaaq.

Angusinngikkaanni pikkorissarneq naammassereerpat qaammatip ataatsip missata qaangiunnerani misilitseqqittoqarsinnaassaaq.

 

Paasissutissat nalinginnaasut:

 

Sumiiffik: Peqqissaanermik Ilinniarfik, Svend Jungep Aqq. 2, 3900 Nuuk

Piffissaq:  Septembarip ulluisa aqqarnanniit 29-iannut 2023

Peqaasinnaasut: 15-iit sinnernagit

Ilinniartitsinermi oqaatsit atorneqartut: Danskit oqaasii.

Ilinniartitsisoq: Marianne Kjærsgaard, peruluttunik peqqissaasoq, Cand. Cur.

Angalaneq ineqarnerlu Peqqissaanermik Ilinniarfimmit inniminnerneqarlutillu akilerneqassapput.

Pikkorissarnermut akiliutissaq:  12.500 kr.

Peqataaniarluni nalunaarfissaq kingulleq: 30. juli 2023

 

Attavissaq: Peqqissaanermik Ilinniarfik oqarasuaat: 349950 /e-maili: pipost@nanoq.gl

Kursusdata

Kursusevents

---

Paasissutissat sukumiinerusut:

Paasissutissat sukumiinerusut pisortarmut

Bettina Hanghøj Johansen
E-mail-ikkut: behj@nanoq.gl
imal. oqarasuaatikkut: (+299) 349950
attaveqarnikkut pissarsiarineqarsinnaapput.