Yellow September – Imminut isumassorneq, imminut toquttarneq pinaveersaartitsineq neriuutillu

Yellow Septemberi Peqqissaanermik Ilinniarfiup malunnartippaa – septemberi qaammat imminut toquttarneq pinaveersaartitsinermut, tarnikkut peqqissutsimut aamma neriuummut immikkut sammisaqarfiusoq.

Tamanna pillugu ilinniartut ilinniartitsisullu ataatsimoorlutik Amisut tungaanut pisuttuarput. Ataatsimoorluni pisuttuarnikkut aqqutigalugu eqqartorneqarpoq, qanoq pingaaruteqartigisoq immitsinnut takunnittarnissaq, tusarnaarnissaq aammalu inuunermi ajornartorsiuteqarnermi ikioqqunissap sapiissuseqarfiginissaa.

Peqqissaanermik Ilinniarfimmi ilinniartut sulisullu ullut tamaasa isumassuinermik, peqqissutsimik aamma inunnik assigiinngitsunik inuunerminni inissisimaffeqartunik suliaqartuupput. Taamaattumik aamma kissaatigaarput tarnikkut peqqissutsimik ammasumik oqaloqatigiinnerup pingaaruteqassusaa siuarsassallugu, kiisalu ataatsimoorfimmik pilersitseqataassallutit, sumiiffimmi kinaluunniit kisimiinnginniassammat.

Yellow September eqqaasitsivoq, oqaloqatigiinnerup ataatsip annertuumik allannguisinnaaneranik. Pingaaruteqarpoq apeqqutigissallugu qanoq innera, tusarnaassallugu aamma nalunngissallugu neriuut tamatigut inissaqartinneqartoq.

Peqqissaanermik Ilinniarfik imminut toquttarneq pinaveersaartitsinermut tapersersuisuuvoq, tarnikkullu peqqissutsimik ammanerusumik, isumassuinerusumik aamma eqqumaffiginninnerusumik ataatsimoorfimmik pilersitseqataarusuppoq.

Immutsinut tamatta paarissaagut.