PI-p teknologi atorlugu ilinniarfimmik nutaamik pisortatigoortumik ammaanersiorneq
Teknologi atorlugu ilinniarfipput nutaap pisortatigoortumik ammaanneqarnera maanna ingerlareersoq nuannaarutigaarput. Ilinniartitaanermut Naalakkersuisoq, Nivi Olsen tulluusimaarutigaarput ammaalluni oqalugiarmat.
Ilinniartitaanermut Naalakkersuisoqarfimmiit, suleqatigisavut, Peqqissaanermik Ilinniarfimmi sulisut ilinniartullu peqatigalugit ulloq pingaarutilik nuannersumik nalliuttorsiutigaarput.
Sulisut ilinniartullu ammaassiorneq sioqqullugu piareersaanermi annertuumik suliaqarsimapput, ilaatigut Skills Stations-it suliarisimallugit. Pimoorussinerat, nutaaliornerat suliniuteqarnerallu ulloq immikkut ittumik, nuannersumik iluatsilluartumillu pisortatigoortumik ammaassiornermut pingaaruteqarluinnarput.
Angusagut tulluusimaarutigaarput, aammalu teknologi atorlugu ilinniarfiup nutaap atuutilersinnissaanut suli ingerlaqqinnissarput qilanaaraarput. Ilinniarfik ilinniartitaanermi, simulation-imi teknologiinillu nutaaliaasunik atuinermi periarfissanik nukittorsaaqataassaaq.
