Peqqissaanermik Ilinniarfimmi supervisoritut ilinniagaqarlutik naammassisut
Supervisorit nutaat 16-it ilinniarnertik allagartartaassutigaat. Sullissisutut ilinniarneq ukioq ataaseq affarlu sivisussuseqarpoq, modulinullu arfinilinnut agguataarneqarluni, tamarmik immikkut ullunik 5-inik sivisussuseqarlutik.
Ilinniartitaaneq inunnik isumaginninnermi ilinniarsimasunut, peqqinnissaqarfimmi qaffasissumik ilinniagaqarsimasunut agguaqatigiissillugulu sivisuumik ilinniagaqarsimasunut tunngasuuvoq.
Aqutsisutut pikkorissaanerup siunertaraa, allanik najoqqutassiornissamut siunnersuinissamut, nakkutilliinissamut piginnaasannik nukittorsaanissamut – inunnut ataasiakkaaniit inunnullu eqimattanut. Ilinniartitaaneq ataqatigiissaakkamik oqaluttuarisaanermillu eqqarsartaatsimik tunngaveqarpoq, taannalu suliassaqarfimmi attaveqatigiinnermik oqaatsinik oqaluttuanillu paasinninnissamut sulinissanut nutaanik periarfissiisarpoq. Ilinniakkami allattariarsornermi aammalu piviusumik misiliinermi suliassanik misilittagaqalernermi susassaqartut suleqatigalugit inerisarneqartarpoq.
Ilinniartitsisup Trine Marie Sand-ip erseqqissarpaa aqutsisup qanoq pingaaruteqartiginera:
"Supervisioni tassaavoq suliassanik pitsanngorsaanermi qularnaarisoq. Suleqatigiinnermi ilisimasanillu avitseqatigiinnermi suliffiup iluani nukittorsaanissamut iluaqutaasinnaasoq. Supervisorip uippakajaalernermi nukissaalatsinermilu pinngitsoortitsinissaq, aammalu piffinni ajornartorsiorfiusuni sulisut peqatigalugit oqilisaaqataanissaq suleqataaffigissallugu. Supervisorip suliassaasa pingaaruteqartut ilagai, qulakkeerinissaq sullissisut pisinnaasat pisariaqartut pigineqarnissaat. “
Supervisoritut ilinniagaqarneq inuiaqatigiinni pingaarutilimmik piujuartitsinermillu qulakkeerinissami toqqissisimanartumik nunatsinni suliffeqarfinnik qulikkeerinnittuussaaq.
