Misilittagalimmit tapersersorteqarnermik misiliinissamut PI aningaasaateqarfimmit aningaasaliiffigineqarpoq;

Misilittagalimmit tapersersorneqarneq ilinniartut amerlanerusut PI-mi ilinniarnerminnik naammassinninnissaannut iluaqutaasussaq pillugu, ukiuni pingasuni suliniummut atugassanik PI aningaasaateqarfimmit Tuborgfondimit 1.758.680 koruuninik aningaasaliiffigineqarpoq. Taanna inuussutissarsiutinut qitiusumik ilinniarfinnit ilinniartitaanernilu allani unammilligassaavortaaq.

Suliniummi ilinniartut misilittagallit ilinniartuusimasullu, nammineq piumassutsiminnik, ilinnialersut ilinniagaqassutsikkut imminnut tatigilersinnissaannut inoqatinullu attaveqarnermik pitsanngorsaanissamut ikiuussinnaanissaat ilinniakkaminnillu naammassinnissinnaanissaannut tapersersuisinnaanissaat misilinneqassaaq.

Suliniut, piginnaasatigut inerisaanermik, sammisanik kiisalu ilinniagaqassutsikkut inuttullu ataatsimoornermik, suliniutip ingerlanneqarnera tamakkerlugu naammassineranilu naliliivigineqartartussamik, imaqarpoq.

Pisortaq Bettina Hanghøj Johansen ilinniarfik sinnerlugu tulluusimaaqaaq. Aningaasaateqarfimmit Tuborgfondimit aningaasaliissutit ilinniartunut, ilinniarfimmut nunatsinnilu inuiaqattigiinnut iluaqutaanissaat naatsorsuutigineqarpoq.