Tapersersuisunngorlaat
Februarip aallaqqaataani 2018 tapersersuisunngorniat siulliit ilinniarnerminnik naammassinnittut Peqqissaanermik Ilinniarfimmi nalliuttorsiorpalaartumik aaqqissuussinermi soraarummeernermut uppernarsaammik tunineqarput.
Ilinniartitaaneq taanna asseqanngimmat nunatsinni ilinniartitaaneruvoq immikkorluinnaq ittoq.
Tapersersuisutut ilinniartitaaneq ukiup aappaa affaanik sivisussuseqartoq innuttasunut tarnimikkut nappaatilinnut tapersersuisuunissamut tungiuisuunissamullu tunngasuuvoq.
Tarnimikkut nappaatillit inuttut atugarisaasigut ikorfartuinermut ilinniartitaanermi atuagarsorneq sulinermillu sungiusarneq nikerartinneqarput, ilinniartitaanermilu ilinniartut ilinniagaqassutsikkut annertuumik piumasaqarfigineqarput suliffilli inuttut piginnaasatiguttaaq annertuumik piumasaqaatitaqassalluni.
- Tapersersuisoq inuup nammineq misigisaa tunngavigalugu neriunneq, nammineq aalajangiisinnaaneq qitiutillugit naleqartitamik inuuneqalerniarneq aallaavigalugu sulissaaq, tamannalu ass. innuttaasumut tarnimigut nappaatilimmut inuunermik aqutsisinnaanngortitseqqinnermut, ulluinnarni inuunermi ajornartorsiutinik aniguisinnaanngornermut, ilaquttanut ikinngutinullu attaveqaqqissinnaalernermut, suliffeqarsinnaalernermut, ilinnialersinnaalernermut imal. attaveqatigiinnut ataatsimooqatigiinnullu isumalinnut allanut peqataasinnaalernissamut tapersersuisinnaanissamik isumaqarpoq.
Taamaammat tapersersuisutut ilinniartitaaneq inuit ataasiakkaat tarnikkut nappaateqaraluit ulluinnarni sapinngisaq tamaat nalinginnaasumik inuusinnaanissaannut annertuumik sunniuteqassaaq.
Tapersersuisunngortut siulliit angusilluarlutik ilinniarnertik naammassivaat.
Tapersersuisutut naammassisut tassaapput:
Sussie Lyberth, Nuuk
Johanne Geisler, Upernavik
Aqqalu K. Mortensen, Nuuk
Sara Markussen, Sisimiut
Lea Ignatiussen, Tasiilaq
Anders Uitsatikiseq, Tasiilaq
