Peqqissaasunngorlaat arfineq marluk
Peqqissaasunngorlaat arfineq marluk marlunngormat Ilisimatusarfimmi Peqqissaasutut Ilinniartitaanermi Peqqissutsimullu Ilisimatusarnermi Instituttimi ilinniarnertik naammassivaat
Atuaqataat pingasut juullimut naammassinissaat naatsorsuutigineqarpoq. Ukiuni kingullerni pingasuni peqqissaasut 34-it- tassalu Kalaallit Nunaanni peqqissaasutut atorfiit 10%-iisa missaat ilinniarnerminnik naammassinninnerannik tamanna isumaqarpoq.
Tamatuma saniatigut atuaqataat Akiyo Shimagaki, Bornholmimi peqqissaasunngorniat ilinniarfiannut nuuttoq sap. ak. siuliani naammassivoq.
Naammassisartut procentinngorlugit amerlanerat ilinniakkallu kajungerineqarluarnera nuannaarutissaavoq Instituttip pisortaa Suzanne Møller oqarpoq.
Peqqissaasunngorlaallu tassaapput:
Aniita Lund Lynge
Mona Kock Madsen
Aviaaja Poulsen
Laura Cortzen
Lena Broberg
Paornánguaq Rasmussen
Arnannguaq Lennert
