Utoqqarnik peqqissaanermi assistentinngortut siulliit
Decembarip ulluisa aqqaneq aappaanni utoqqarnik peqqissaanermi assistentinngortut siulliit ilinniarnerminnik naamassinnipput
Utoqqarnik peqqissaanermi assistentitut ilinniartitaanerup pilersinneqarnera Kalaallit Nunaanni utoqqaat amerliartuinnarnerannik tunngaveqarpoq. Taamaaginnartussatullu isikkoqarmat utoqqaat ukioqqortusiartorlutillu amerliartornerannik tamanna kinguneqartussaassaaq. Utoqqaat peqqissutsimikkut ajornartorsiutillit ilaatigut ataatsikkut arlalinnik nappaateqartut, puiguttortut, timikkut, tarnikkut inuttullu inooqataanikkut piginnaanikkillisut – annaasaqarneq kiisalu inuunermik annaasaqarumaarneq taamaammallu peqqissaanikkut/paaqqutarineqarnikkut immikkut ittumik pisariaqartitsisut amerliartuinnarput. Allat timikkut, tarnikkut inuttullu inooqataanikkut piginnaasaminnik attassiinnarnissamut piginnaanngorsaqqinneqarnissamik imal. akuliuffigineqarnissamik pisariaqartitsipput.
Taamaammat sundhedsassistentit utoqqarnik paaqqutarinninnissamut nammineerlutik immikkut ittumik piginnaasaqalernissaat kommunini oqartussat kissaatigaat.
Ilinniarnermi qaammatinik tallimanik sivisussuseqartumi atuagarsorneq sulinermillu sungiusarneq nikittaanneqarput.
Utoqqarnik peqqissaanermi assistentinngortut:
- Marie Mathiassen, Neriusaaq Maniitsoq
- Inger Larsen, Maniitsup Peqqissaavia Maniitsoq
- Petrine Josefsen, Neriusaaq Maniitsoq
- Karen Johannessen, Utoqqaat Illuat, Upernavik
- Sara Karlsen, Utoqqaat Illuat, Upernavik
- Else Marie Nielsen Utoqqaat Angerlarsimaffiat, Sisimiut
- Christina Denbæk Ippiarsuk, Nuussuaq
- Lone Ellingsgaard Isaksen, Utoqqaat Illuat Nuuk
