Ilinniarnermi timigissarneq
Peqqissaanermik Ilinniarfimmi timigissarneq neqeroorutitut ilinniarnermut ilaatipparput. Sap.ak. ataasiarlutik ilinniartut tamarmik klassit akimorlugit ataatsimoorlutik sammisaqartarput.
Sammisat assigiinngiiaaqaat; arsarneq, timip tarnillu oqimaaqatigiissumik ataqatigiissinniarnerat (yoga), naluttarfimmiinneq, cykelini immikkut sanaani qasujaallisaqatigiinneq (spinning) ukiuni kingullerni misilissimasatta ilaannaraat.
Isumarput naapertorlugu timigissarneq timigissariaatsit assigiinngitsorpassuunerannik ilinnullu naleqquttumik nassaarsinnaanissamik takutitseqataavoq. Tamatuma saniatigut ilinniarfimmi timigissartarneq ilinniarnerup saniatigut ataatsimoorluni misigisanik nuannersunik pitsaasunillu tunniusseqataavoq.
