Klinikassistentit ilinniaqqinnerat 

Klinikassistentitut ilinniarsimaguit piginnaasannillu inerisaanissamut piumassuseqarlutillu soqutiginnikkuit, Peqqissaanermik Ilinniarfimmi ilinniaqqinniarlutit qinnuteqarnissannut periarfissaqarputit.

Saaffigisat

Klinikassistentitut ilinniarsimasut.

Ilinniaqqinneq sap. ak. marlunnik sivisussuseqarpoq.

Siunertaq

Ilinniaqqinnermi klinikassistentitut atuagarsornikkut sulinikkullu, kigutilerivimmi meeqqanik minnernik angajoqqaavinillu tikilluaqusinissamut kiisalu inuusuttunik kigutigissaanermik suliaqarsinnaanissamut piginnaasaqalernissat siunertaapput.

Taamatuttaaq sulinermik sungiusaasutut ilinniartut ataasiakkaat sungiusarnissaannut qanoq pilersaarusiorsinnaanissaq aaqqissuussisinnaanissarlu piginnaaneqarfigilissavatit, kiisalu qanoq ilillutit peqataasut periutsit ilikkagaqarnissamullu sakkussat assigiinngitsut aqqutigalugit, atuagarsornerup sulinerullu imminnut atassusernissaannut piginnaasaasa siuarsarsinnaanissaat ilisimasaqarfigilissallugit.

Ilinniaqqinnermi makku anguniarneqarput:

  • Meeqqanut, inuusuttunut angajoqqaanullu tunngatillugu sullissinermi akuersaartumik pissuseqarnissap ilikkarnissaa
  • Kigutit qanerlu pingaartillugit peqqinnissaq pillugu ilinniartitseriaaseq aallaavigalugu, peqqinnartunik toqqaanissamut angajoqqaanik ikorfartuinissap piginnaaneqarfigilernissaa
  • Meeqqat kigutaannik saliisarnermut pitsaasunik ileqqoqalernissamut angajoqqaanik ikorfartuisinnaanerup, inuusuttullu kigutigissartuarnissaannik kajumissaarinerup piginnaaneqarfigilernissaat
  • Angajoqqaat meeqqamik kigutaannik saliisarnissaannut ilitsersuinermik aaqqisuussillunilu pilersaarusiorsinnaaneq
  • Kigutigissartinnissamut piginnaaneqalersitsisinnaaneq piareersimalersitsisinnaanerlu
  • Meeqqanik inuusuttunillu kigutaat ilaartarialinnik putoqarsinnaanerannut misissugassatut innersuunneqartussanik suussusersisinnaanissamut piginnaaneqalernissaq
  • Kigutigissaasut kigutilerisullu innersuussaannik suliaritinnertaqanngitsumik fluoridimik nakorsaasinnaalernissaq
  • Nammineq ilikkagaqarsinnaanermik namminerlu ilikkagassatut toqqarusutanik isumaliutiginnissinnaalernissaq
  • Ilikkagaqarnissamut periarfissanik suussusersisinnaanissaq toqqaasinnaanissarlu, atuisunullu nakorsaanermi periutsinik atuisinnaanngortitsinissaq
  • Sulinermik ilinniarnermi ilikkagassanut suut ilisarnaataanerannik paasinninnissaq.
  • Ilinniartitaanerni pineqartuni sulinermik sungiusarnermik aaqqissuussinermi toqqammaviusunik paasinninnissaq
  • Sulinermik sungiusaasutut pisussaaffimmik suliassaqarfimmillu paasinninnermik inerisaanissaq.
  • Suliassanut sulinermik sungiusaasuunermut attuumassuteqartunut tunngatillugu iliuuseqarnissamut piginnaasanik inerisaanissaq.

 

Paasissutissat nalinginnaasut:

Piffissaq:  29. september - 12. oktober 2023

Angalanissaq ineqarnissarlu Peqqissaanermik Ilinniarfimmit isumagineqassapput.

Ilinniartitsinermi danskit oqaasii atorneqassapput.

Kursusdata

  • Id: Klinikassistentit ilinniaqqinnerat
  • akissaq: 0

Kursusevents

Det er ikke muligt at tilmelde dig til dette kursus


Paasissutissat sukumiinerusut:

Paasissutissat sukumiinerusut pisortarmut

Bettina Hanghøj Johansen
E-mail-ikkut: behj@nanoq.gl
imal. oqarasuaatikkut: (+299) 349950
attaveqarnikkut pissarsiarineqarsinnaapput.