Peqqissaasutut ilinniartitaanermi peqqissutsimullu ilisimatusarnermi Institutti peqqissaasunngorlaanut tallimanut Peqqissaanermik Ilinniarfimmi tallimanngornermi juunip ulluisa 24-anni nalliuttorsiorpalaartumik naggataartitsivoq. Ilinniartut allat marluk juullimut ilinniarnerminnik aamma naammassinnissapput. 

Soraarummeersitsisumit Danmarkimi soraarummeersitsisartuneersumit qaffasisunik piginnaasaqarnerat peqqissaasutullu ilinniakkamik pimoorussinerat nersorneqarpoq.

Kingumut peqqissaasunik arlalinnik sulilersitsisinnaaneq nuannerpoq. Maannamut 145-it peqqissaasutut ilinniarsimalerput  – tamarmillu atorfissaqaqaat Instituttip pisortaa Suzanne Møller oqarpoq.

Saamerlerniit: Signe Petersen, Maja Madsen, Karina Kleist ,Jane Kreutzmann, Tabitha Berthelsen.