Atornerluisunik katsorsaasutut ilinniartitaaneq.

 

Atornerluisunik katsorsaasutut ilinniartitaanerup Peqqissaanermik Ilinniarfimmi maanna neqeroorutigisinnaanngornera nuannaarutigalugu matumuuna nalunaarutigisinnaavarput.

 

Atornerluisunik katsorsaasutut ilinniartitaanerup siunertaa:

Peqataasut namminneq akisussaaffimmik piginnaasaqarfimmillu iluini atornerluinermut tunngatillugu sullitaminnut paasinninneq tunngavigalugu katsorsaariaatsinik ilisimasaqalernissaat taakkunanngalu atuisinnaalernissaat.

 

Atornerluisunik katsorsaasutut ilinniartitaaneq ukununnga saaffiginnissutaavoq:

Inunnik isumaginninnermi, ilinniartitaanermi imal. peqqinnissamut tunngatillugu akunnattumik sivisussusilimmik ingerlaqqiffiusumik ilinniagallit atornerluisunillu pingaarnertut sammisalittut ilinniarsimasut.

 

Paasissutissat nalinginnaasut

Atornerluisunik katsorsaasutut ilinniartitaaneq modulinik pingasunik immikkoortortaqarpoq

Maajip ulluisa qulaaluaanni aallatissaaq decembarillu ulluisa qulinganni naammassissalluni.

Moduli 1: 9. maj- 14. maj

-          paasinninneq tunngavigalugu periuseqarneq

Moduli 2: 22. august- 26. august

-          paasinninneq tunngavigalugu katsorsaariaatsit

Moduli 3: 6. december – 10. december

-          paasinninneq tunngavigalugu aappariinnik ilaqutariinnillu katsorsaaneq

Modulit Peqqissaanermik Ilinniarfimmi ingerlanneqassapput.

Modulini peqataaneq akeqanngilaq. Ulluni pikkorissarfinni tamani nerisaqartitsisoqassaaq.

Angalaneq ineqarnerlu Peqqissaanermik Ilinniarfimmit isumagineqassapput.

Ilinniartitsineq qallunaatut ingerlanneqassaaq.

Atuakkanut aningaasartuuteqarnissaq naatsorsuutigineqassaaq.

Modulinut ataasiakkaanut najoqutassaq kingorna nittartakkami pi.gl-imi takuneqarsinnaassaaq

 

Qinnuteqarfissaq kingulleq: 11. april 2016

Qinnuteqaat (immersugassaq ilanngussaq takuuk) uunga nassiunneqassaq:

Peqqissaanermik Ilinniarfik

Svend Jungep Aqq. 2

Postboks 1499,

3900 Nuuk

e-mail: cfspost@nanoq.gl

 

Paasissutissat sukumiinerusut:

Ilinniarfiup pisortaa Lisa Ezekiassen, mailikkut: lie@nanoq.gl imal. oqarasuaatikkut: 349953 attavigalugu pissarsiarineqarsinnaapput.