Suliffimmi sungiusaasussanik pikkorissaaneq immikkoortortat marlunnut agguataangaq – Peqqissutsimut assistent-nngornianut aqqutissiuisussanut

    AMA-p aningaasaliiffigisaanik sundhedsassistentinngornianut sulinermik sungiusaasussanik pikkorissaaneq.

    Pikkorissaaneq modulinut marlunnut agguagaavoq. Ataasiaannarluni peqataaniarluni nalunaartoqassaaq nalunaarnerlu taanna modulinut tamanut atuutissaaq.

    Siunertaq: Peqataasut saqqummiussivigineqassapput, ilinniartitaanerup pilersaarusiorneqarnerata nutaap (2017) ilinniagarlu pillugu paasissutissat (2020) aaqqisuunneqarnerat ilisimasaqarfigilissallugit, sundhedsassistentinngorniat sapinngisamik pitsaanerpaamik sulinermik sungiusaanissamut sakkussinneqassapput.

    Modulimi siullermi anguniagassatut siunniussat: dato 12.april – 15.april 2021

    • Ilinniartitaaneq pillugu paasissutissat ilinniartitaanerullu pilersaarusiorneqarnerata aaqqisuussaanerannik peqataasut ilisimannilernissaat
    • Sulinermik sungiusarnerup siunertaanik peqataasut ilisimasaqalernissaat.
    • Sulinermik sungiusarnerup ingerlannissaanut akisussaaffimmik tigusinissamut peqataasut sakkussinnissaat.
    • Sulinermik sungiusarnerni tamani sungiusaanissamik aaqqisuussinermut ilinniartitaaneq pillugu paasissutissanik atuuttunik peqataasut atuisinnaalernissaat.
    • Sulinermik sungiusarnermi qaffasissutsit qanoq saqqummiunneqarnerat qanorlu ilillutik ilikkagaqarnissamut anguniagassatut atorneqarsinnaanissaasa peqataasunit ilisimaneqalernissaat.
    • Ilinniartup inuttut piginnaasaanik naliliinermik peqataasup ilisimasaqalernissaa.
    • Piviusuusaartitat tunngavigalugit ilinniartitsinerup anguniagassallu nassuiarneqarneranni anguniarnerannilu ikiuuttutut inissisimanerup peqataasumit ilisimasaqalernissaa.
    • Sulinermik sungiusarfik pillugu nassuiaasiorsinnaanissamut peqataasut sakkussinnissaat.

    Imarisai:

    • Ilinniartitaaneq pillugu paasissutissanik atuuttunik misissuineq
    • Sulinermik sungiusarnerup ingerlanneqarnissaanut tunngatillugu eqqarsaatinik nassuiaaneq
    • Ilikkagassatut siunniussanik suliaqarsinnaaneq
    • Ilinniartup inuttut piginnaasaanik naliliisinnaaneq
    • Sulinermik sungiusaanerup aaqqisuunnissaanut isumassarsiassat
    • Piviusuusaartitsineq tunngavigalugu ilinniartitsinermik anguniagassallu nassuiarneranni anguniarnerannilu ikiuuttuunermik saqqummiussineq

    Sungiusarfissat pillugit nassuiaasiorneq

    Oqaatsit: Ilinniartitsineq Peqqissaanermik Ilinniarfimmi qallunaatut/kalaallisut ingerlanneqassaaq.

    Ilinniartitseriaaseq: Atuagarsornermik tunngaveqartunik saqqummiussineq, ataatsimoorluni oqallinnerit eqimattanilu suliaqarnerit.

    Ilinniartitsisut: Henriette Holm Speranza Peqqissutsimut ilinniartitsisut nunatsinni peqqinnissaq pillugu tunngaviusumik ilinniartitaanernik ilisimaarinnittoq

    Saaffigisat: Sundhedsassistentit.

    Pikkorissarnermut akiliutissaq: 4500 kr.

    Angalaneq, ineqarneq ullormusiaqarnerlu PI-mit isumagineqassapput

    Modulit aappaanni anguniagassatut siunniussat: dato 31.maj – 4.juni 2021

    • Peqqissaanermik suliaqarnermi najoqqutassap sundhedsassistentitut sulinermi najoqqutassatut peqataasunit paasineqarnissaa
    • Piginnaasassanut uuttuutit peqataasunit paasineqarnissaat
    • Ilitsersuisuunermi peqataasut eqqarsaatersorsinnaalersinnissaat
    • Ilikkariartortarnerit peqataasunit ilisimaneqalernissaat
    • Ilitsersuinerup ilitsersuisuunerullu peqataasunit ilisimaneqalernissaat
    • Ilikkagaqarnissamut sakkussanik atuinerup peqataasunit ilisimaneqalernissaa
    • Sulinermik sungiusarnermi allattariarsugassamik suliaqarnermi ilitsersuisinnaanissamut peqataasup piginnaasaqalersinnissaa

    Imarisai:

    • Peqqissaanermik suliaqarnermi najoqqutassaq
    • Piginnaasassanut uuttuutit
    • Ilikakkat allani atorsinnaalernerat
    • Isumaliutersuutiginninneq
    • Periuseq ilinniartut toqqissisimanartitaqarnerannik tunngaveqartoq
    • Sulinermi ataatsimoorfiusuni ilinniarneq
    • Ilinniartutut suleqatigiinni akuerisaalluni peqataaneq
    • Ilinniartoq ilagalugu sulinermik ilinniartitsineq
    • Ilitsersuisuuneq
    • Sulinermi ilikkagaqarnissamut sakkussat
    • Sulinermik sungiusarfimmi allattariarsugassamut ilitsersuineq

    Oqaatsit: Ilinniartitsineq Peqqissaanermik Ilinniarfimmi qallunaatut/kalaallisut ingerlanneqassaaq.

    Ilinniartitseriaaseq: Atuagarsornermik tunngaveqartumik saqqummiussineq, ataatsimoorluni oqallinnerit eqimattanilu suliaqarnerit.

    Ilinniartitsisut: Karen Mette Zeeb Peqqissaasutut ilinniartitsisut nunatsinni peqqinnissaq pillugu tunngaviusumik ilinniartitaanernik ilisimaarinnittoq

    Saaffigisat: Sundhedsassistentit

    Angalaneq, ineqarneq ullormusiaqarnerlu PI-mit isumagineqassapput

    Kursusdata

    • Id: Praktikvejlederkursus-i-2-moduler
    • akissaq: 4500

    Kursusevents

    • Pikkorissartarfik: Peqqissaanermik Ilinniarfik
    • Piffissami: 12.04.2021 - 04.06.2021
    • Piffissaliussaq: 12.03.2021
    • Varighed: 9 dage
    • Issiavissaq: 15 (15 tilbage)
    Tilmeld

    Yderligere information:

    kan indhentes hos områdeleder

    Else Thygesen
    E-mail: ethy@nanoq.gl
    Tlf.: (+299) 349382