Ilaqutariinnut siunnersortitut ilinniartitaaneq ukiumik ataatsimik sivisussusilik meeqqap ukiuinik siullernik qitiutitsisoq.

Ilinniagaqassutsikkut meeqqanut ilaqutariinnullu sanngiiffeqartunut tunngasunik suliaqarpit?

Ilinniagalittut meeqqani ilaqutariinnilu tungiuineq attaveqarnerlu suliaraagit, inuttut ilinniagaqassutsikkullu piginnaasatit nukittorsarlugillu inerisarusuppigit, taamaappat ilinniartitaanerup matuma taama periarfississavaatsit.

Ilaqutariinnut siunnersortitut ilinniartitaaneq SIF – Systemisk Institut for Familieterapi suleqatigalugu Peqqissaanermik Ilinniarfimmi maanna neqeroorutaalerpoq.

Ilinniartitaaneq illit ilinniagalittut ulluinnarni suliannik akunnattoorfinnillu ilisarisinnaasannik aallaaveqarpoq. Tamatuma peqatigisaanik ilisimatusarnermik paasisanillu nutaanerpaanik pissarsisinneqassaatit.

Ilinniartitaanermi qinnuteqartut saaffigineqartut tassaapput akunnattumik sivisussusilimmik qaffasissumik ilinniagaqartut, isumaginninnerup, ilinniartitaanerup peqqinnissallu iluani atorfeqartut.

Ilinniartitaaneq ukiumik ataatsimik sivisussusilik sisamanik moduleqarpoq.

Moduli siulleq 25.-29. oktober 2020

Modulit aappaat 8.-11. marts 2021

Modulit pingajuat 24.-27. maj 2021

Modulit sisamaat 1.-3. september 2021

Ilinniartitaanermi peqataasut ilinniaqatigiinnut agguataarneqassapput modulillu akornanni ulloq naallugu takkulluni peqataanissaq piumasaqaataavoq.

Paasissutissat nalinginnaasut

• Modulini peqataaneq akeqanngilaq. Ullut pikkorissarfiusut nerisaqarfiussapput.

• Atuakkanut aningaasartuuteqarnissaq naatsorsuutigineqassaaq.

• Peqataasut namminneq angalanissamut ineqarnissamullu inniminniillutillu akiliissapput. PPK -mi ilaasortat pikkorisarnermut aningaasaateqarfimmut qinnuteqarsinnaapput.

Ilinniartitaaneq pillugu nassuiaat tamakkiisoq takuneqarsinnaavoq uani. 

Kursusdata

  • Id: Familiekonsulent uddannelsen
  • akissaq: 0

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382