Ilinniartitaanermi suna siunertaava?

Pingaarnertut attavittut pinngitsuuisinnaajunnaarnernik assigiinngitsunik takunnissinnaanissaq paasinnissinnaanissarlu, katsorsartinnissamut kajumilersitsinissaq nunatsinnilu katsorsartissinnaanermut periarfissat pillugit ilisimasanik siammarterisinnaanissaq siunertaapput. Aanngajaarniutinik aningaasanoornermillu ajornartorsiuteqartut pingaarnertut attaviinik katsorsaasunut ingerlaqqinniarlutik kissaateqartunik ilinniartitsinissaq siunertaavortaaq.

Ilinniarnerup kingorna suliffinni innuttaasut aanngajaarniutinik aningaasanoornermillu pinngitsuuisinnaajunnaarsimasut pisariaqartitaminnik ikiorneqarnissaannut attavittut pingaarnertut peqataassaatit. Ilinniartitsineq ullunik aqqanilinnik sivisussuseqassaaq.

Aanngajaarniutinik pinngitsuuisinnaajunnaarsimasut attaviattut ilinniartitaaneq kikkunnut saaffiginnissutaava?

Ilinniartitaanermi peqqinnissaqarfimmi, ulloq unnuarlu paaqqinniffinni, ilinniarfinni kommuninilu ingerlatsivinni namminersortunilu ilinniagallit tamarmik saaffigineqarput.

Ilinniarnerit naammassigukku Aanngajaarniutinik pinngitsuuisinnaajunnaarsimasunut attavinngussaatit saniatigullu aanngajaarniutinik ajornartorsiutilinnut katsorsaasutut ilinnialernissamut qinnuteqarnissannut periarfissaqalissallutit.

Ilinnialersinnaanermut piumasaqaatit: Isumaginninnerup imaluunniit peqqinnissap iluani qaffasissumik ingerlaqqiffiusumik akunnattumik sivisussusilimmik ilinniagaqarneq.

Allanik ilinniagallit immikkut naliliivigineqareernikkut, allamik naapertuuttumik ilinniagaqarnermut aamma misilittagaqarnermut uppernarsaatissaqarpat, ilinnialernissamik neqeroorfigineqarsinnaassapput.

Paasissutissat nalinginnaasut

Aanngajaarniutinik pinngitsuuisinnaajunnaarsimasut pingaarnertut attaviattut ilinniartitaaneq 2020-imi aggustip 4-anit 15-iat ilanngullugu ingerlanneqassaaq.

Ilinniartitaaneq Nuummi Peqqissaanermik Ilinniarfimmi ingerlanneqassaaq.

Peqataaneq aamma ilinniartitsinermi atortut, ulluni ilinniarfiusuni ullaap tungaa, ullup qeqqanut ualikkullu sutugaqarneq ilanngullugit akeqanngilaq.

Ilinniartitaanermut atatillugu angalaneq ineqarnerlu peqataasup/sulisitsisup nammineq isumagissavaa, taamaammallu tamatumunnga tunngatillugu aningaasartuutit akilissallugit.

Ilinniartitsineq qallunaatut ingerlanneqassaaq.

Maluginiaruk: Qinnuteqaatit suliarineqassaaq tiguneqarsimanermulli uppernarsaammik allagarsiguit aatsaat peqataanissat qulakkeerneqassaaq.

Sulisitsisuit qinnuteqaatinni tunngavilersuinissaa eqqaamallugu.

Paasissutissat allat uunga paasiniarneqarsinnaapput:

Områdeleder

Else Thygesen

E-mail: ethy@nanoq.gl

Tlf.: (+299) 349382

Kursusdata

  • Id: Nøglepersonuddannelsen

Kursusevents

  • Pikkorissartarfik: Peqqissaanermik Ilinniarfik
  • Piffissami: 04.08.2020 - 15.08.2020
  • Piffissaliussaq: 20.06.2020
  • Varighed: 11 dage
  • Issiavissaq: 20 (0 tilbage)

Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382